मुंबई- आणि निक जोनस यांच्यातील मतभेद आणि घटस्फोटाची चर्चा तेव्हा सुरू झाली जेव्हा अभिनेत्रीने तिच्या सोशल मीडिया हँडलवरून तिच्या नावाच्या शेवटून 'चोप्रा' आणि 'जोनस' ही दोन्ही आडनावं काढून टाकली. त्यामुळेच दोघांचा घटस्फोट होणार की काय अशी चर्चा सुरू झाली. मात्र आता निक जोनसच्या नवीन पोस्टने चाहत्यांना मोठा दिलासा दिला आहे. प्रियांका आणि निकच्या नात्याबद्दलच्या अफवांदरम्यान, अभिनेत्रीच्या पतीने सोशल मीडियावर एक पोस्ट केली. ज्यावर देसी गर्ल कमेन्ट करण्यापासून स्वतःला रोखू शकली नाही. निकने काही तासांपूर्वीच त्याच्या इन्स्टाग्राम हँडलवर वर्कआउट करतानाचा व्हिडिओ पोस्ट केला. या व्हिडिओमध्ये निक जिममध्ये घाम गाळताना दिसत आहे. निकला वर्कआउट करताना पाहून प्रियांकाने त्याच्या व्हिडिओवर कमेन्ट करत म्हटले की, 'डॅम, तुझ्या या हातांवर मी मेले.' प्रियांकाने काल रात्री सोशल मीडियावरून तिचे दोन्ही आडनाव 'चोप्रा' आणि 'जोनस' काढून टाकले होते. यामुळे दोघांच्या नात्यात दुरावा निर्माण झाल्याची चर्चा ट्विटरवर आगीसारखी पसरू लागली. मात्र, यानंतर प्रियांकाची आई मधु चोप्रा यांनी पुढे येऊन या फक्त अफवा असल्याचं सांगितलं. प्रियांका चोप्रा आणि निक जोनस यांनी १ डिसेंबर २०१८ रोजी लग्न केले. ते लवकरच लग्नाचा तिसरा वाढदिवस साजरा करणार आहे. अलीकडेच प्रियांका चोप्रा आणि निक जोनस यांनी त्यांच्या लॉस अँजेलिस येथील नवीन घरी एकत्र दिवाळी साजरी केली. दोघेही सोशल मीडियावर एकमेकांसाठीचं प्रेम खुलेपणाने व्यक्त करत असतात.
from Marathi Bollywood News, Marathi Cinema News https://ift.tt/3cHLOYl
