मुंबई- क्रिकेटर आणि यांच्या अफेअरच्या बातम्या बऱ्याच दिवसांपासून चर्चेत आहेत. अथिया शेट्टीने ५ नोव्हेंबर रोजी तिचा २९ वा वाढदिवस साजरा केला आणि यावेळी तिने केएल राहुलसोबतच्या तिच्या नात्यावरही शिक्कामोर्तब केले. केएल राहुलने अथियासोबतचे फोटो सोशल मीडियावर शेअर केले आहेत, ज्यावरून दोघं रिलेशनशिपमध्ये असल्याचं स्पष्ट झालं आहे. फोटोमध्ये अथिया आणि राहुल एकत्र बसलेले दिसत आहेत. केएल राहुलने यावेळी दोन फोटो शेअर करत हार्ट इमोजीसह अथियाला वाढदिवसाच्या शुभेच्छा दिल्या. आणि अहान शेट्टी यांनीही राहुल आणि अथियाच्या या फोटोंवर हार्ट इमोजी देऊन कमेंट केली आहे. अहान आणि सुनील व्यतिरिक्त टायगर श्रॉफ आणि कृष्णा श्रॉफ यांनीही या फोटोंवर कमेंट केली आहे. पाहा, केएल राहुलची पोस्ट: सोशल मीडियावर अनेकदा त्यांचे फोटो व्हायरलही झाले होते. असं असतानाही आतापर्यंत अथिया आणि केएल राहुलने त्यांच्या नात्यावर मौन बाळगले होते. लंडनमधील आंतरराष्ट्रीय क्रिकेट मालिकेदरम्यान राहुलने बीसीसीआयच्या कागदपत्रांमध्ये अथियाचा उल्लेख 'पार्टनर' म्हणून केला होता. यानंतर पुन्हा एकदा त्यांच्या नात्याच्या चर्चांना उधाण आलं होतं. अभिनेत्रीच्या कामाबद्दल बोलायचं झालं तर अथियाने २०१५ मध्ये 'हीरो' सिनेमातून बॉलिवूडमध्ये पदार्पण केलं होतं. यानंतर २०१७ मध्ये तिचा 'मुबारकां' सिनेमा प्रदर्शित झाला होता. त्यानंतर २०१९ मध्ये नवाजुद्दीन सिद्दीकीसोबत 'मोतीचूर चकनाचूर' हा सिनेमा आला. या सिनेमाला प्रेक्षकांचा संमिश्र प्रतिसाद मिळाला होता. अथियाने अद्याप तिच्या पुढील कोणत्याही चित्रपटाची घोषणा केलेली नाही.
from Marathi Bollywood News, Marathi Cinema News https://ift.tt/3qd7jZ8