मुंबई- '' ची सोशल मीडियावर चांगलीच हवा आहे. 'बिग बॉस मराठी ३' नेटकऱ्यांमध्ये चांगलाच चर्चेत आहे. यापूर्वी मराठी बिग बॉस सीजन ३ ने 'बिग बॉस १५' ला टक्कर देत टीआरपी स्पर्धेत मागे टाकलं होतं. हिंदी बिग बॉसपेक्षा मराठी बिग बॉसला प्रेक्षकांचा जास्त प्रतिसाद मिळत होता. आता मराठी बिग बॉसचे सूत्रसंचालन करणारे अभिनेते, दिग्दर्शक आणि निर्माते हे देखील हिंदी बिग बॉस प्रेक्षकांच्या पसंतीस उतरले आहेत. हिंदी बिग बॉसचे प्रेक्षक मांजरेकरांची तुलना सलमान खानच्या सूत्रसंचालनसोबत करत आहेत. 'बिग बॉस १५' ला प्रेक्षकांचा मिळणार दिवसेंदिवस कमी होत आहे. परंतु, हिंदी बिग बॉसचे प्रेक्षक मांजरेकर यांचं भरभरून कौतुक करत आहेत. प्रेक्षकांच्या मते सलमान सूत्रसंचालन करतो पण तो घरातील सदस्यांसोबत न्याय करत नाही. घरातील चुकीच्या सदस्यांची बाजू उचलून धरतो. तर दुसरीकडे मांजरेकर मात्र घरातील सर्व सदस्यांना योग्य पद्धतीने समजावून सांगतात. चूक केलेल्या सदस्याला ओरडतात आणि चांगल्या खेळलेल्या सदस्याला शाबासकी देतात. त्यांचं काम ते अगदी व्यवस्थित रित्या पार पाडतात. त्यांच्या सूत्रसंचालनात कुठेही भेदभाव होत नाही. कोणताही सदस्य त्यांचा लाडका नाही. हिंदी बिग बॉसच्या प्रेक्षकांनी थेट ट्विटरवर मांजरेकर यांच्या सूत्रसंचालनाचं कौतुक केलं आहे. एका युझरने ट्विट करत लिहिलं, 'सर्वोत्कृष्ट सूत्रसंचालक महेश मांजरेकर. सलमान खूप जास्त भेदभाव करतो.' दुसऱ्या युझरने लिहिलं, 'महेश मांजरेकर सदस्यांना आरसा दाखवतात. मी त्यांच्या प्रत्येक मतासोबत सहमत असतो. त्यांचे शब्द कुठेही अडखळत नाहीत. पण सलमान फक्त त्याची स्क्रिप्ट वाचून दाखवतो आणि नंतर त्या सदस्यांची पाठराखण करतो.' असे अनेक ट्विट करत प्रेक्षकांनी मांजरेकरांचं कौतुक केलं आहे.
from Marathi Bollywood News, Marathi Cinema News https://ift.tt/3HHrZP6
