मुंबई : मॉडेल आणि अभिनेत्री हिचा नवरा याला मुंबई पोलिसांनी अटक केली आहे. पूनमने नवऱ्याविरोधात मारहाण केल्याची तक्रार केल्यानंतर ही कारवाई करण्यात आली आहे. तक्रार नोंदवल्यानंतर पूनम पांडेला रुग्णालयात दाखल करण्यात आले आहे. पूनमला तिच्या नवऱ्याने केलेल्या मारहाणीमध्ये तिच्या डोक्याला, डोळ्यांना आणि चेहऱ्याला गंभीर जखमा झाल्याची माहिती पोलिसांनी दिली आहे. या प्रकरणाचा अधिक तपास सुरू करण्यात आला आहे. दरम्यान, सॅम बॉम्बेच्या विरोधात गुन्हा दाखल करण्यात आल्याची माहिती देखील एएनआयच्या वृत्तसंस्थेने दिली आहे. लग्नानंतर दहा दिवसांतच केली मारहाण बॉयफ्रेंड सॅम बॉम्बेसोबत ११ सप्टेंबरला पूनमने लग्न केले. पूनमने तिच्या लग्नाचा फारसा गाजावाजा केला नव्हता. या दोघांनी लग्न समारंभातील फोटो इन्स्टाग्राम अकाउंटवर शेअर केले होते. पूनमवर लग्नानंतर अवघ्या १० दिवसांतच पोलीस स्टेशनची पायरी चढण्याची वेळ आली होती. पतीने विनयभंग करून धमकावल्याची तक्रार पूनमने गोव्यात केली होती. पोलिसांनी दिग्दर्शक सॅम बॉम्बे याला अटक केली, मात्र त्याची जामिनावर सुटकाही झाली. त्यानंतर दोघांनी आपल्यातील वाद मिटवत पुन्हा घरोबा केला होता. कोण आहे सॅम बॉम्बे? सॅम अहमद बॉम्बे हा चित्रपट दिग्दर्शक आहे. तर पूनम पांडेने त्याच्यासोबत काही चित्रपट आणि म्युझिक व्हिडिओमध्ये काम केले आहे. पूनम सोशल मीडियावर नेहमीच सक्रिय असते. बर्‍याचदा हॉट फोटो आणि व्हिडिओंमधून ती चर्चेत राहण्याचा प्रयत्न करते. सोशल मीडियावर तिचा प्रचंड मोठा चाहतावर्ग आहे.
from Marathi Bollywood News, Marathi Cinema News https://ift.tt/3CajLLz
