मधुरा नेरुरकर मुंबई- बिग बॉस मराठीचा दुसरा सीझन दणाणून सोडलेला स्पर्धक आठवतो का असा प्रश्न जर तुम्हाला विचारला तर अनेकजण या स्पर्धकाचंच नाव घेतील. आता सलमान खानच्या मध्ये अभिजीत वाईल्ड कार्ड एण्ट्री म्हणून सहभागी होत आहे. मराठी बिग बॉसचं दुसरं सीझन गाजवल्यानंतर आता तो हिंदी बिग बॉसमध्ये नक्की काय करणार आणि घरातील स्पर्धकांबद्दल त्याचं काय मत आहे याबद्दल त्याने मटा ऑनलाइलानशी खास गप्पा मारल्या. * बिग बॉस मराठी रिअॅलिटी शोचा प्रेक्षक आणि हिंदी बिग बॉसचा प्रेक्षक वेगळा असल्याचं दडपण असणार का? - नागराज मंजुळे यांचा सैराट सिनेमा महाराष्ट्रात जेवढा उचलून धरला गेला तेवढाच तो दुबईतही पाहिला गेला. करण जोहरने त्या सिनेमाचा हिंदीत रिमेकही केला. त्यामुळे हिंदी आणि मराठीचा प्रेक्षक वेगळा नसतो. प्रेक्षक हा प्रेक्षकच असतो. त्याला जे आवडतं ते तो स्वीकारतो. * वाईल्ड कार्ड म्हणून एण्ट्री घेणाऱ्यांना घरातल्यांशी जुळवून घेणं नेहमीच कठीण होतं. तुमच्यासाठी ही एक परीक्षाच असेल नाही का? - हो, नक्कीच. कारण स्पर्धक अनेक दिवसांपासून एकमेकांसोबत घरात राहत आहेत. त्यांच्यात अचानक दुसरं कोणी गेलं तर त्यांच्यात एकी होते. पण तेही जुळवून घेता येतं. याचंच एक उदाहरण द्यायचं झालं तर विद्यार्थी असताना आपण एका शाळेत शिकत असतो, काही कारणांमुळे जेव्हा आपल्याला दुसऱ्या शाळेत जावं लागतं तेव्हा काही दिवस त्रास होतो पण नंतर सारं काही सुरळीत होतं. त्या घरातले स्पर्धक म्हणजे विद्यार्थीच आहेत. मीही एका शाळेतून दुसऱ्या शाळेत जातोय. * घरात कोणता असा स्पर्धक आहे का की ज्याच्याशी तुम्ही दोन हात मागेच रहाल.. - मी कोणालाही मोठं मानत नाही. घरात असलेले स्पर्धक हे फक्त कलाकार आहेत. त्याहून मोठे कोणीही नाही. कलाकारांमध्येही ते कोणी अमिताभ बच्चन किंवा नाही. तसं पाहायला गेलं तर त्यांच्यापेक्षा समाजात मलाच उच्च स्थान आहे. * कोणता ठरावीक विचार करून तुम्ही घरात प्रवेश घेत आहात का? - मी कोणत्या गोष्टीचा कधीच विचार करत नाही. फक्त आयुष्यात कोणत्याही परिस्थितीत व्यसन करायचं नाही हे मी स्वतःला वारंवार समजावत असतो, त्याचा विचार करत असतो. पण इतर कोणत्याच गोष्टींचा मी फार विचार करत नाही. * घरात प्रवेशाचं कोणतं दडपण आहे का - दडपण असं नाही पण एक जबाबदारी मात्र नक्कीच आहे. आम्ही जे तीन स्पर्धक आहोत त्यांना वेगळ्या पद्धतीने वाइल्ड कार्ड एण्ट्री देण्यात आली आहे. प्रोडकश्नला आमच्याकडून अपेक्षा आहेत. पण घरात समरसून जाण्याचा माझा विचार आहे. रंगात रंगूनी साऱ्या रंग माझा वेगळा या धोरणावर मी चालणार आहे.
from Marathi Bollywood News, Marathi Cinema News https://ift.tt/3nCAl2m
