नवी दिल्ली : बदलत्या काळात घड्याळांची जागा स्मार्टवॉचने घेतली असून आता अनेक लोक सामान्य घड्याळांपेक्षा स्मार्ट घड्याळे जास्त वापरतात. या वॉचेसमध्ये खास वैशिष्ट्ये देखील दिली जातात. जी युजर्सना उपयुक्त असतात. आज आम्ही तुम्हाला जगातील सर्वात महागड्या स्मार्टवॉचबद्दल सांगणार आहोत, ज्याची किंमत जाणून तुम्हाला आश्चर्य वाटेल. जाणून घ्या या स्मार्टवॉचेसचे फीचर्स आणि किंमत. वाचा: TAG Heuer Carrera Connected स्वित्झर्लंडची घड्याळ निर्माता कंपनीतील सर्वात महाग Smartwatch TAG Heuer Carrera Connectedआहे. या स्मार्टवॉचची किंमत $१५०० (सुमारे १,११,४६६ रुपये) आहे. हे घड्याळ गुगल आणि इंटेलने संयुक्तपणे तयार केले आहे. यामध्ये टायटॅनियमचा वापर करण्यात आला आहे. त्याची स्क्रीन स्क्रॅच प्रतिरोधक आहे. हे घड्याळ १.६ GHz इंटेल प्रोसेसर आणि ४१० mAh बॅटरीद्वारे समर्थित आहे, जे एका चार्जवर २५ तासांचा बॅकअप देते. याशिवाय युजर्सना घड्याळात इनबिल्ट व्हॉईस कमांड, जीपीएस, मायक्रोफोन, गुगल ट्रान्सलेट, मॅप्स आणि गुगल फिटसाठी सपोर्ट मिळेल. Kairos Hybrid Watch: कैरोस हायब्रिड वॉच उत्कृष्ट आहे. या स्मार्टवॉचला सर्वोत्कृष्ट डिझाइनचा पुरस्कार मिळाला आहे. यात ड्युअल डिस्प्ले आहेत, ज्यामध्ये पारदर्शक डिजिटल डिस्प्लेसह अॅनालॉग स्क्रीन समाविष्ट आहे. मेसेज आल्यावर युजरला घड्याळावर एक पारदर्शक स्क्रीन दिसेल. जेव्हा स्क्रीनवर कोणताही मेसेज दिसणार नाही, तेव्हा युजर्सला घड्याळात अॅनालॉग डिस्प्ले दिसेल. या घड्याळाची किंमत $२५०० (सुमारे १,८५,७७७ रुपये) आहे. Louis Vuitton Tambour Horizon Connected: Louis Vuitton, ज्याला LV म्हणूनही ओळखले जाते. हा जगातील सर्वात प्रसिद्ध लक्झरी ब्रँड आहे. हा ब्रँड कपडे, दागिने, शूज, हँडबॅग ते घड्याळे बनवतो. हे घड्याळ गुगलच्या ऑपरेटिंग सिस्टमवर काम करते. लक्झरी व्यतिरिक्त, या घड्याळात एक मजबूत बॅटरी आहे, जी चांगली Battery life देते. यामध्ये प्रवाशांसाठी सिटी गाईड अॅपचा सपोर्ट देण्यात आला आहे. पण, त्यात फिटनेस ट्रॅकिंग मोड उपलब्ध होणार नाही. या घड्याळाची किंमत $ ३००० (सुमारे २,२२,९३२ रुपये) आहे. Montblanc Timewalker e-Strap: मॉन्टब्लँक ही जर्मनीची आघाडीची लक्झरी घड्याळ निर्माता कंपनी आहे. कंपनीने १०१५ मध्ये ई-स्ट्रॅप Showcase केले. हा ई-स्ट्रॅप वायरलेस नेटवर्कद्वारे स्मार्टफोनशी जोडला जाऊ शकतो. यामध्ये तुम्हाला इनकमिंग कॉल टू मेसेजची सूचना मिळेल. या व्यतिरिक्त, तुम्ही या स्ट्रॅपद्वारे तुमच्या फिटनेस Activities चा मागोवा घेऊ शकता. त्याची किंमत $ ३,११७ म्हणजेच जवळपास २,३१,६२६ रुपये आहे. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3CyDAMr
