नवी दिल्ली : हँडसेट मेकर कंपनी Oppo ने आपला लेटेस्ट स्मार्टफोन लाँच केला आहे. या स्मार्टफोनच्या महत्त्वाच्या वैशिष्ट्यांबद्दल बोलायचे झाले तर, हा Oppo स्मार्टफोन स्नॅपड्रॅगन प्रोसेसर, ३३ W फास्ट चार्जिंग सपोर्ट आणि मजबूत बॅटरीसह लाँच करण्यात आला आहे. Oppo A95 मध्ये युजर्सना काय नवीन मिळेल जाणून घ्या. वाचा: Oppo A95 वैशिष्ट्ये : डिस्प्ले: ड्युअल-सिम (नॅनो) सह या Oppo स्मार्टफोनमध्ये ६.४३ -इंचाचा फुल एचडी प्लस १०८०x२४०० पिक्सेल AMOLED डिस्प्ले आहे. फोनचा रिफ्रेश दर ६० Hz आहे, स्क्रीन-टू-बॉडी गुणोत्तर ९०:८ टक्के आहे. प्रोसेसर, रॅम आणि स्टोरेज: ८ GB LPDDR4x रॅमसह क्वालकॉम स्नॅपड्रॅगन ६६२ प्रोसेसर आणि वेग आणि मल्टीटास्किंगसाठी १२८ GB पर्यंत स्टोरेज. मायक्रोएसडी कार्डच्या मदतीने स्टोरेज वाढवणे शक्य आहे. सॉफ्टवेअर: Oppo A95 स्मार्टफोन Android ११ वर आधारित Color OS ११.१ वर काम करतो. कॅमेरा: फोनच्या मागील पॅनलवर तीन रियर कॅमेरे देण्यात आले आहेत, ४८ मेगापिक्सलचा प्राथमिक कॅमेरा, २ मेगापिक्सलचा दुय्यम कॅमेरा आणि २ मेगापिक्सेल मॅक्रो कॅमेरा सेन्सर देण्यात आला आहे. सेल्फीसाठी फोनच्या समोर १६ मेगापिक्सेल कॅमेरा सेन्सर आहे. बॅटरी: ५००० mAh ची मजबूत बॅटरी ३३ W वूक फ्लॅश चार्ज फास्ट चार्जिंग सपोर्टसह प्रदान केली आहे. कनेक्टिव्हिटी: सुरक्षेसाठी फोनमध्ये इन-डिस्प्ले फिंगरप्रिंट सेन्सर देण्यात आला आहे, फोनमध्ये यूएसबी टाइप-सी पोर्ट, ब्लूटूथ व्हर्जन ५, वाय-फाय असे अनेक फीचर्स देण्यात आले आहेत. Oppo A95 किंमत : फोनचे दोन कलर व्हेरियंट लाँच करण्यात आले असून ते रेनबो सिल्व्हर आणि स्टाररी ब्लॅक या रंगात उपलब्ध आहेत. नवीन Oppo मोबाइल फोनच्या ८ GB RAM / १२८ GB स्टोरेज व्हेरिएंटची किंमत MYR १,०९९ (अंदाजे १९,६०० रुपये) आहे. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3ckicQz
