मुंबई- लोकप्रिय बॉलिवूड अभिनेत्री सोशल मीडियावर चर्चेत आहे. सुष्मिताने निरनिराळ्या भूमिका साकारत प्रेक्षकांच्या मनात स्थान निर्माण केलं. फिटनेस फ्रिक असलेल्या सुष्मिताने आपल्या सौंदर्याच्या जोरावर प्रेक्षकांची वाहवा मिळवली. मात्र 'आर्या' या वेबसीरिजमधून सुष्मिताने तिचं अभिनय कौशल्य पणाला लावलं. 'आर्या' मधील सुष्मिताच्या अभिनयाचं प्रेक्षकांनी भरभरून कौतुक केलं. कधीही न पाहिलेली सुष्मिता 'आर्या' च्या निमित्ताने प्रेक्षकांना पाहायला मिळाली. आता सुष्मिताचा '' मधील लुक प्रदर्शित करण्यात आला आहे. 'आर्या' वेबसीरिजची कथा, कलाकार, मांडणी आणि सुष्मिताचा उत्कृष्ट अभिनय यामुळे ही वेबसीरिज हिट ठरली होती. त्यानंतर चाहते ' २' ची आतुरतेने वाट पाहत होते. लवकरच 'आर्या २' प्रेक्षकांच्या भेटीला येणार आहे. सुष्मिताने वेबसीरिजमधील तिचा लुक चाहत्यांसोबत शेअर केला आहे. व्हिडिओमध्ये सुष्मिता होळीच्या रंगात माखलेली आहे. पण तिचे डोळे हे जखमी वाघिणीप्रमाणे दिसत आहेत. एका नजरेनेच सुष्मिताने प्रेक्षकांच्या मनात धडकी भरवली आहे. हा व्हिडिओ शेअर करत सुष्मिताने लिहिलं, 'फर्स्ट लुक, वाघीण परत आलीये. यावेळेस अगदी घातक आणि धोकादायक. तुम्ही तयार आहात?' सुष्मिताचा हा लुक पाहून चाहते घायाळ झाले आहेत. चाहत्यांनी सुष्मितावर कौतुकाचा वर्षाव केला आहे. 'आर्या' वेबसीरिजमध्ये दाखवण्यात आल्याप्रमाणे सुष्मिता एका गुन्हेगारी पार्श्वभूमी असलेल्या कुटुंबातून आहे. परंतु, मुलांना आणि पतीला सुष्मिता या सगळ्यापासून दूर ठेवण्याचा प्रयत्न करते. पतीची हत्या झाल्यानंतर सुष्मिता पतीच्या मृत्यूचा बदला घेण्यासाठी परतते.
from Marathi Bollywood News, Marathi Cinema News https://ift.tt/3Ch4pEJ
