मुंबई: छोट्या पडद्यावर प्रचंड गाजणारा कार्यक्रम 'बिग बॉस' प्रेक्षकांमध्ये चर्चेत असतो. बिग बॉस म्हटलं की तो हिट जाणारचं. मात्र गेले दोन सीझन हे समीकरण थोडं बदलताना दिसतंय. 'बिग बॉस १३' हा सीजन प्रचंड गाजला होता. या सीजनमधील शहनाज गिल आणि सिद्धार्थ शुक्ला यांचं नातं प्रेक्षकांना प्रचंड भावलं होतं. या सीझननं टीआरपीचे सगळे रेकॉर्ड तोडले. कार्यक्रमाला वेगळ्या उंचीवर नेऊन ठेवलं होतं. मात्र त्यानंतर आलेले सीझन त्या उंचीच्या आसपासही पोहचू शकलेले नाहीत. प्रेक्षकांची मनं जिंकू शकलेले नाहीत.त्यामुळं शोला टीआरपीच्या स्पर्धेत वर आणण्यासाठी निर्माते वेगवेगळे प्रयोग करताना दिसतायत. बिग बॉसचा १५ सीझन म्हणावा तसा चर्चेत आलेला नाही. त्यामुळं पुन्हा एकदा नवीन स्पर्धकांना बिग बॉसच्या घरात एन्ट्री देण्यात येत आहे. यात आता राखी सावंतचंही नाव चर्चेत आलं आहे. बिग बॉसच्या टीआरपीला वर आणण्यासाठी ड्रामाक्वीन पुन्हा एकदा बिग बॉसच्या घरात दिसणार आहे. १४ व्या पर्वात टीआरपीमध्ये घसरण झाली होती तेव्हा निर्मात्यांनी मागील सीझनमधील सदस्यांना बोलावून कार्यक्रम सुरू ठेवला होता. मात्र या सीझनमध्ये यापैकी काहीही उपयोगी पडताना दिसत नाहीए. 'बिग बॉस १५' चे सुरुवातीचे दोन आठवडे प्रेक्षकांमध्ये उत्साह पाहायला मिळाला. मात्र त्यानंतर कार्यक्रमाच्या टीआरपीमध्ये घसरण पाहायला मिळतेय. निर्माते कार्यक्रमात पुन्हा जिवंतपणा आणण्यासाठी प्रयत्नशील आहेत. बिचुकले बाहेर मराठी बिग बॉस सीझन २ चे स्पर्धक असलेले अभिजित बिचुकले यांना कार्यक्रमात आणण्याचं ठरवलं होतं. अभिजित, देवोलिना भट्टाचार्जी आणि रश्मी देसाई यांच्यासोबत कार्यक्रमात एन्ट्री घेणार होते. मात्र कार्यक्रमात जाण्यापूर्वीच बिचुकलेंना करोना झाल्यानं त्यांचा प्रवेश होऊ शकत नाहीए.
from Marathi Bollywood News, Marathi Cinema News https://ift.tt/3ra7Efs
