मुंबई- बॉलिवूड अभिनेत्री अभिनयाइतकीच तिच्या फटकळ स्वभावासाठी चाहत्यांमध्ये प्रसिद्ध आहे. करिना सगळ्यांनाच सडेतोड उत्तर देत असते. पेपराजीच्या कॅमेरासाठी करिना पोज तर देते पण कधीही चाहत्यांसोबत सेल्फी काढताना दिसत नाही. आणि जेव्हा एका चाहतीने तसा प्रयत्न केला तेव्हा बेबो प्रचंड भडकली. सध्या करिनाचा एक व्हिडीओ सोशल मीडियावर व्हायरल होत आहे ज्यात एका चाहतीचा धक्का लागल्याने बेबो रागाने लाल झाली आहे. ती चाहतीला सुनावते आणि तिथून निघून जाते. हा व्हिडीओ २०२० सालचा असून तो पुन्हा एकदा सोशल मीडियावर व्हायरल झाला आहे. व्हिडिओमध्ये करिना तैमूरसोबत गेटमधून बाहेर निघते. बाहेर पडायच्या आधीपासूनच चाहती करिनाला फोटोसाठी गळ घालत असते. करिना गेटमधून बाहेर पडल्यावर थांबते आणि मागून येणाऱ्या चाहतीचं लक्ष नसल्याने तिचा धक्का करिनाला लागतो. करिनाला प्रचंड राग येतो. ती दोन सेकंद थांबते आणि रागाने चाहतीला जाब विचारते. त्यानंतर भलेही करिनाने चाहतीसोबत उभं राहून फोटो काढला असेल मात्र तो राग करिनाच्या चेहऱ्यावर स्पष्टपणे दिसत आहे. हा व्हिडीओ पाहून नेटकरी करिनाला सुनावत आहेत. तर काही नेटकरी त्या चाहतीला देखील दोष देत आहेत. काही युझर्सच्या मते अशा गर्विष्ठ कलाकारांच्या मागे फिरणं चुकीचं आहे. प्रेक्षक यांना लोकप्रिय बनवतात पण हे नंतर प्रेक्षकांसोबत चुकीचं वागतात. तर काही युझर्स त्या चाहतीला दोष देत आहेत. कलाकारांच्या मागे मागे फिरून त्यांना मोठेपणा कशाला द्यायचा असं काही युझर्सचं म्हणणं आहे.
from Marathi Bollywood News, Marathi Cinema News https://ift.tt/3GZDmBI