मुंबई- सलमान खानची फॅन फॉलोइंग आणि स्टारडम जबरदस्त आहे. चाहतेदेखील त्याच्यासाठी खूप वेडे आहेत आणि जेव्हा संधी मिळते तेव्हा सेल्फी घेण्याची किंवा त्याच्या सोबत फोटो काढण्याची एकही संधी ते सोडत नाहीत. असाच काहीसा प्रकार पुन्हा एकदा घडला. एका चाहत्याला त्याच्या हिरोसोबत सेल्फी घ्यायची होती, पण त्याचवेळी सलमान छायाचित्रकारांना फोटो देत होता. चाहत्याच्या या कृतीमुळे सलमान थोडासा चिडलेला दिसत होता. सोशल मीडियावर सलमान खानचा एका चाहत्यासोबतचा हा व्हिडिओ मोठ्या प्रमाणात व्हायरल होत आहे. एका चाहत्याने सलमानसोबत सेल्फी काढण्याची विनंती केल्याचं व्हिडिओमध्ये दिसतं. सलमानही लगेच हो म्हणाला आणि त्याच्यासोबत सेल्फी काढू लागला. सलमान त्याच्यासोबत उभा राहिला आणि छायाचित्रकारांना फोटो देऊ लागला. पण त्या चाहत्याला सलमानसोबत सेल्फीच हवी होती. हे पाहून सलमान थोडा भडकला आणि म्हणाला, 'ते घेत आहेत ना..' काही छायाचित्रकार चाहत्याला सांगतात की ते सलमानसोबत त्याचा फोटो काढत आहेत त्यामुळे त्याने त्याचा फोन बाजूला ठेवावा. पण चाहत्याला सेल्फीच घ्यायची होती. हे पाहून सलमान त्याला म्हणतो की, 'आधी नाचणं बंद कर.' हे ऐकून फॅन तिथून निघून जातो. मागच्या वर्षी दबंग खानचा असाच एक व्हिडिओ गोवा विमानतळावर व्हायरल झाला होता. गोवा विमानतळावर एक फॅन सेल्फी घेत होता आणि नाराज झालेल्या सलमान त्याचा फोन हिसकून घेतला होता. दरम्यान, सलमानच्या कामाबद्दल बोलायचं झालं तर सध्या त्याचा 'अंतिम- द फायनल ट्रुथ' चित्रपटाचा प्रमोशनमध्ये व्यग्र आहे. महेश मांजरेकर दिग्दर्शित या चित्रपटात सलमानसोबत त्याच्या बहिणीचा नवरा आयुष शर्मादेखील आहे. याशिवाय या चित्रपटातून टीव्ही अभिनेत्री महिमा मकवाना बॉलिवूडमध्ये पदार्पण करत आहे.
from Marathi Bollywood News, Marathi Cinema News https://ift.tt/3mXQuPI
