मुंबई: १२ डिसेंबर म्हणजे यांच्यासाठी एक सणच असतो. कारणही तसंच आहे सुपरस्टार रजनीकांत यांचा वाढदिवस असतो. खरं तर दरवर्षी वाढदिवसाच्या दिवशी रजनीकांत त्यांच्या चाहत्यांपासून दूर राहणे पसंत करतात. त्याला यंदाही अपवाद नाही. मात्र, तरीही 'रजनीप्रेमी' वेगवेगळे उपक्रम राबवून आपल्या अभिनेत्याचा वाढदिवस साजरा करण्याची संधी सोडत नाहीत. या वर्षी रजनीकांत यांच्या चाहत्यांनी तमिळनाडू लोकसेवा आयोगातर्फे घेण्यात येणाऱ्या गट क परीक्षांसाठी उपेक्षित वर्गातील १०० विद्यार्थ्यांना प्रशिक्षण देण्यात येणार असल्याची घोषणा केली आहे.दरम्यान,महाराष्ट्र स्टेट हेड रजनी फॅन्स वेल्फेअर असोसिएशन (MSHRFWA), या एक थलायवा फॅन क्लबने जाहीर केले आहे की, क्लब आर्थिकदृष्ट्या दुर्बल वर्गातील दोन मुलांच्या एका वर्षाच्या शिक्षणा खर्च उचलणार आहे..त्याशिवाय, मोठी शस्त्रक्रिया झालेल्या दोन महिलांचा वैद्यकीय खर्च हा फॅन क्लब उचलणार आहे. शिवाय अनेक मंदिरात प्रार्थना, मिठाईचे वाटप, गरीब व अनाथ विद्यार्थ्यांना अन्नदान, असे अनेक उपक्रम रजनीकांत यांच्या चाहत्यांकडून राबवले जातात. बुधवारी राबवले जात, असे रामकी यांनी सांगितले. शिवाय चेन्नईमधील रजनीचे फॅन्स रक्तदान, अण्णानगरमधील शाळकरी मुलांना जेवण अशा उपक्रमांत सहभागी होणार आहेत. दुर्योधनच्या व्यक्तिरेखेने दिली प्रसिद्धी रजनीकांत यांनी मद्रास फिल्म इन्स्टीट्यूटमधून अभिनयाचा डिप्लोमा केला. त्यांनी आपल्या अभिनयाची सुरुवात पौराणिक कन्नड नाटकांमधून केली. यात त्यांची दुर्योधनाची भूमिका सर्वाधिक गाजली. दिग्दर्शक के. बालाचंदर यांनी रजनीकांत यांना एका कन्नड नाटकात काम करताना पाहिले होते. नाटकानंतर बालाचंदर यांनी रजनीकांत यांना तमिळ शिकायला सांगितले. अभिनयाचं शिक्षण घेत असतानाच रजनीकांत यांनी तमिळ भाषा शिकली.
from Marathi Bollywood News, Marathi Cinema News https://ift.tt/3dLQH3c
