मुंबई- नेटफ्लिक्सची प्रचंड लोकप्रिय ठरलेली थ्रिलर वेबसीरिज '' पुन्हा एकदा प्रेक्षकांचं मनोरंजन करण्यासाठी सज्ज आहे. 'मनी हाइस्ट' ने पहील्याचं भागापासून प्रेक्षकांच्या मनात उत्सुकता निर्माण केली. यापूर्वी वेबसीरिजचे पाच सीजन प्रदर्शित झाले आहेत. मात्र वेबसीरिजचा पाचवा सीजन दोन भागात विभागण्यात आला होता. अखेर प्रेक्षकांची प्रतीक्षा आता संपली आहे. वेबसीरिजच्या पाचव्या सीजनचा दुसरा भाग आज म्हणजे ३ डिसेंबर रोजी दुपारी १ वाजून ३० मिनिटांनी नेटफ्लिक्सवर प्रदर्शित होणार आहे. हा 'मनी हाइस्ट' चा अखेरचा सीजन असून यात प्रेक्षकांच्या सर्व प्रश्नांची उत्तरं मिळणार आहेत. 'मनी हाइस्ट' चा पाचवा सीजन दोन भागात विभागण्यात आला होता. पाचव्या सीजनच्या पहिल्या भागात पाच एपिसोड होते. हा भाग सप्टेंबर महिन्यात प्रदर्शित करण्यात आला होता. यापूर्वीच्या सीजनमध्ये दाखवण्यात आल्याप्रमाणे प्रोफेसर आणि त्यांच्या टीममधील काही सदस्य बँक ऑफ स्पेन मध्ये आहेत. त्यांच्या टीममधील काही सदस्यांचा मृत्यू झाला आहे. आता प्रोफेसर आपल्या टीमला सुखरूप बाहेर काढतात का? त्यासाठी प्रोफेसर कोणती शक्कल लढवतात? सोनं चोरण्यात ते यशस्वी होतात का? की त्यांचे सगळे सदस्य पोलिसांच्या बंदुकीचा निशाणा बनतात? या सगळ्या प्रश्नांची उत्तरं शेवटच्या भागात मिळणार आहेत. मागील सर्व सीजन प्रेक्षकांचं मनोरंजन करण्यात यशस्वी ठरले. त्यामुळेच प्रेक्षक वेबसीरिजचा शेवटचा भाग पाहण्यासाठी उत्सुक आहेत. प्रोफेसर आणि एलिसिया यांच्या भांडणाचा शेवट कसा होणार याकडे प्रेक्षकांचं लक्ष लागून राहीलं आहे. 'मनी हाइस्ट' ही स्पॅनिश वेबसीरिज आहे. परंतु, नेटफ्लिक्सवर ती इंग्लिश आणि हिंदी भाषेतही उपलब्ध होते.
from Marathi Bollywood News, Marathi Cinema News https://ift.tt/2ZNFsUk
