मुंबई : जेनेलिया आणि हे बॉलिवूडमधील सर्वात क्युट कपल म्हणून ओळखलं जातं. सोशल मीडियावर देखील जेनेलिया- रितेशकडे आयडिअल कपल म्हणून पाहिलं जातं. त्यांनी शेअर केलेल्या व्हिडिओवर त्यांचे चाहते भरभरून कमेन्ट करत असतात आणि त्यांच्या व्हिडिओची वाट पाहत असतात. लग्नानंतर जेनेलिया संसारत रमली आणि अभिनयापासून दूर गेली. परंतु १० वर्षांच्या प्रदीर्घ काळानंतर जेनेलिया अभिनेत्री म्हणून पुनरागमन करत आहे. विशेष म्हणजे जेनेलिया मराठी सिनेमात काम करणार आहे. विशेष म्हणजे सिनेमाच्या दिग्दर्शनाची धुरा रितेश देशमुख सांभाळणार आहे. जेनेलियाने तिच्या पुनरागमनाबाबतची गोड बातमी सोशल मीडियावर शेअर केली. रितेशनेदेखील ही आनंदाची बातमी शेअर केली आहे. काय आहे जेनेलियाची पोस्ट देशमुख कुटुंबात सून म्हणून प्रवेश केल्यानंतर अभिनेत्री जेनेलिया डिसुझा संसारत रमली. अभिनयाच्या क्षेत्रातून तिने काही काळ ब्रेक घेतला. अभिनयातून जरी जेनेलियाने ब्रेक घेतला असला तरी ती सोशल मीडियावर खूपच लोकप्रिय आहे. त्यामुळेच अभिनेत्री सिनेमात पुन्हा कधी सक्रीय होणार असा प्रश्न तिचे चाहते वारंवार विचारत होते. जेनेलियाच्या चाहत्यांची ही प्रतीक्षा आता संपली. १० वर्षांच्या प्रदीर्घ काळानंतर जेनेलिया पुन्हा एकदा सिनेमात पदार्पण करत आहे. या संदर्भात जेनेलियाने प्रदीर्घ पोस्ट शेअर केली आहे. तिने पोस्टमध्ये लिहिले की, 'गेल्या काही वर्षांत मी अनेक भाषांतील सिनेमांत काम केले. तेव्हा तुम्ही सर्वांनी माझ्यावर भरभरून प्रेम केलं, मला आशीर्वाद दिले. माझा जन्म महाराष्ट्रात झालेला असल्याने जेव्हा अभिनयाच्या क्षेत्रात आले तेव्हापासून मराठी सिनेमा करण्याची इच्छा मनात होती. परंतु मला हवी तशी स्क्रिप्ट मिळत नव्हती. त्यामुळे माझी ही इच्छा अपूर्णच राहिली... अखेर तो क्षण आला. माझा पहिला मराठी सिनेमा, तब्बल १० वर्षांच्या ब्रेकनंतर मी अभिनय क्षेत्रात पुनरागमन करत आहे. हे सारं माझ्यासाठी स्वप्नवत आहे.' या पोस्टसोबत जेनेलियाने तिच्या पहिल्या '' मराठी सिनेमाच्या मुहूर्ताचा व्हिडिओ शेअर केला. तसेच तिने या सिनेमाचे पहिले पोस्टरही शेअर केले. रितेश देशमुखने घेतली दिग्दर्शनाची जबाबदारी 'वेड' या सिनेमाची निर्मिती रितेश देशमुखच्या मुंबई फिल्म कंपनीतर्फे केली जात आहे. हा या निर्मिती संस्थेचा सहावा मराठी सिनेमा आहे. या सिनेमातून जेनेलिया मराठीमध्ये पदार्पण करत आहे. तर या सिनेमाचं दिग्दर्शन दस्तुरखुद्द रितेश करत आहे. त्याबद्दल जेनेलियाने तिच्या पोस्टमध्ये लिहिलं की, 'हा माझा पहिला मराठी सिनेमा आहे. तर पती रितेश देशमुखही पहिल्यांदाच दिग्दर्शक म्हणून जबाबदारी सांभाळणार आहे. या सिनेमात माझ्यासोबत अभिनेत्री जिया शंकर ही नवोदित कलाकार दिसणार आहे. प्रत्येक सिनेमाच्या निर्मितीचा प्रवास हा सर्वांसाठी महत्त्वाचा असतो. आमच्या या प्रवासामध्ये तुम्हा सर्वांची साथ आमच्यासाठी खूप महत्त्वाची आहे. त्यामुळे सिनेमासाठी मला तुम्हा सर्वांच्या सदिच्छा आणि आशीर्वाद हवे आहेत.' रितेश देशमुखने देखील त्याच्या सोशल मीडियावर 'वेड' या सिनेमाची घोषणा करणारी पोस्ट शेअर केली आहे. दरम्यान जेनेलियाने हिंदीबरोबरच तेलगू, तामिळ, कन्नड आणि मल्याळम अशा पाच भाषांमधील सिनेमांत काम केले आहे.
from Marathi Bollywood News, Marathi Cinema News https://ift.tt/3Ez6aPL
