मुंबई- राजस्थानमधील सवाई माधोपूर जिल्ह्यातील हॉटेल सिक्स सेन्स फोर्टमध्ये विकी कौशल आणि कतरिना कैफ यांचं ९ डिसेंबर रोजी लग्न झालं. या लग्नाबद्दल कमालिची गुप्तता बाळगण्यात आली होती. कार्यक्रमाच्या ठिकाणी कोणीही फोटो काढू शकत नव्हते आणि बाहेरील कोणीही आत जाऊ शकत नव्हतं. फक्त त्या १२० पाहूण्यांना फोर्टमध्ये प्रवेश होता ज्यांना आमंत्रण देण्यात आलं होतं. त्या पाहूण्यांना अनेक अटी- नियमही पाळावे लागले होते. पाहूण्यांचा RTPCR अहवाल निगेटिव्ह येणं आवश्यक होतं. तसंच त्यांनी लसीचे दोन्ही डोस घेतलेले असणं आवश्यक होतं. लग्न स्थळाबाहेरही कडेकोट बंदोबस्त ठेवण्यात आला होता, जेणेकरून कोणीही छायाचित्रकार आत जाऊ नये. एवढंच नाही तर आतली लगबग दिसू नये यासाठी किल्ल्याला लांब पडदे लावले होते. तथापि, दीर्घ प्रतीक्षेनंतर, जोडप्याने त्यांच्या इन्स्टा हँडलवर लग्नाचे फोटो शेअर केले. आता दोघांनी लग्नाच्या दोन दिवसांनंतर हळदी सोहळ्याचे फोटो शेअर केले आहेत. विकी आणि कतरिनाने चार फोटो शेअर केले आहेत. दोघांच्या फोटोंना एकसारखेच कॅप्शन आहे. धन्यवाद, धैर्य, आनंद. फोटोंमध्ये दोघेही खूप आनंदी दिसत आहेत. विकी कौशलच्या पहिल्या फोटोमध्ये कतरिना त्याचा हात हातात घेऊन दोघंही हसताना दिसत आहेत. त्याचवेळी, दुसऱ्या फोटोत, विकीचे वडील शाम कौशल पांढरा कुर्ता घालून त्याला हळद लावताना दिसत आहेत. तिसर्‍या फोटोबद्दल सांगायचे तर, काळा चष्मा घातलेला विकी कौशल ऐटीत बसलेला दिसत आहे तर त्याचे मित्र-मैत्रिणी बादली भरून पाण्याचा वर्षाव करत आहेत. चौथा फोटो रोमँटिक पद्धतीने क्लिक करण्यात आला आहे. यात कतरिना विकीला हळद लावताना दिसत आहे. दुसरीकडे, कतरिनाच्या फोटोंबद्दल बोलायचं झालं तर, पहिल्या फोटोत कतरिना प्रेमाने हसत आहे आणि विकी कौशलला हळद लावत आहे. दुसऱ्या फोटोमध्ये कतरिना पांढऱ्या रंगाच्या पोशाखात हळद लावून बसली आहे आणि हसत फोटोसाठी पोझ देत आहे. त्याचवेळी, तिच्या हातावरची मेंदीदेखील स्पष्टपणे दिसत आहे. तिसर्‍या फोटोमध्ये कतरिनाची सासू म्हणजेच विकी कौशलची आई वीणा कौशल तिला हळद लावत आहेत. दोघींच्यागी चेहऱ्यावर निखळ आनंद दिसत आहे. चौथ्या आणि शेवटच्या फोटोबद्दल सांगायचे तर, कतरिना, तिची आई, दोन बहिणी आणि तिचा मेहूणा सनी कौशल दिसत आहेत. हा फोटो हळदीच्या आधीचा आहे, जेव्हा कतरिनाच्या बहिणी ओढणी घेऊन उभ्या आहेत आणि आई बाजूला बसली आहे. तर समोर सनी नाचताना दिसत आहे. विकी कौशल आणि कतरिना कैफ यांनी कुटुंबातील सदस्य आणि जवळच्या व्यक्तींच्या उपस्थितीत लग्नगाठ बांधली. विकी कौशलने लग्नात गुलाबी रंगाची शेरवानी घातली होती. त्याचवेळी कतरिना कैफनेही गुलाबी रंगाचा लेहेंगा परिधान केला होता.
from Marathi Bollywood News, Marathi Cinema News https://ift.tt/31HdcE3
