मुबंई- चार महिन्याच्या अटीतटीच्या स्पर्धेनंतर च्या विजेते पदावर अभिनेत्री (Tejasswi Prakash) चं नाव कोरलं गेलं. प्रतिक सहजपाल प्रथम उपविजेता आणि करण कुंद्रा द्वितीय उपविजेता ठरला. बिग बॉसचा महाअंतिम सोहळा तेजस्वी प्रकाश, निशांत भट्ट, प्रतिक सहजपाल, शमिता शेट्टी , करण कुंद्रा या टॉप ५ स्पर्धकांमध्ये रंगला. विजेती तेजस्वी प्रकाशला ट्रोफीसोबत ४० लाख रुपयांचं बक्षीस मिळालं. या सिझनच्या बक्षिसाची रक्कम ५० लाख होती, त्यापैकी १० लाख रुपये ब्रीफकेस टास्कमध्ये निशांत भट्ट घेऊन गेला. तेजस्वीच्या या अविस्मरणीय विजयानंतर तिच्या चाहत्यांमध्ये उत्साहाचं वातावरण आहे. सोशल मीडियाद्वारे तेजस्वीचे लाखो चाहते आणि हितचिंतक तिच्यावर शुभेच्छांचा वर्षाव करताना दिसत आहेत. तेजस्वी, करण, निशांत, प्रतिक आणि रश्मिचा बिग बॉसच्या घरातील प्रवास खूपच कठीण होता. तसंच घरात प्रेक्षकांना सुंदर अशी प्रेम कथा पण पाहायला मिळाली. ती म्हणजे तेजस्वी प्रकाश आणि करण कुंद्रा यांची. त्यांच्या या जोडीला प्रेक्षकांचं भरपूर प्रेम मिळालं. त्यांना चाहत्यांनी #TejRan हे टोपण नावही दिलं. चार महिन्याच्या शेवटी रविवारी बिग बॉसचा महाअंतिम सोहळा रंगला ज्याचं सुत्रसंचालन सलमान खान ने केलं होतं. या सोहळ्यात बिग बॉसच्या मागील सिझनचे विजेते गौतम गुलाटी, रुबिना दिलैक, श्वेता तिवारी, उर्वशी ढोलकिया आणि गौहर खान यांचे परफॉमन्स झाले. तर सलमानने दीपिका पादुकोण, अनन्या पांडे, सिद्धांत चतुर्वेदी आणि धैर्य करवा यांच्‍या 'गहराईयां' सिनेमातील कलाकारांशी संवाद साधला. बिग बॉस १३ चा विजेता दिवंगत सिद्धार्थ शुक्ला ला भावपूर्ण श्रद्धांजली देत शहनाजने त्याच्या आठवणी ताज्या केल्या. यावेळी सलमानसह उपस्थित सारेच भावुक झाले.
from Marathi Bollywood News, Marathi Cinema News https://ift.tt/yBIZV40ik
