नवी दिल्ली: देशातील अनेक भागात उन्हाच्या झळा सुरु झाल्या असून अनेकांनी उन्हाळ्यासाठीची तयारी देखील सुरु केली असेल. उन्हाळ्यात अनेक जण आपल्या घरातील कूलर, पंखे आणि एअर कंडिशनर रिपेअर करून घेतात किंवा नवीन एसी किंवा कुलर खरेदी करतात. जीव नकोसा करणाऱ्या या उन्हाळ्यात प्रत्येकाला एसी आणि कुलरचा गारवा हवा- हवासा वाटतो. पण, प्रत्येकालाच नवीन कूलर किंवा एसी खरेदी करणे शक्य होतेच असे नाही. अशात, तुम्ही तुमच्या घरी असलेला जुना कूलर फेकून न देता कमी खर्चात अगदी नवीन सारखा बनवू शकता. नवीन कुलर खरेदी करायचा तर, त्याची किंमत किमान ५,००० ते १०,००० रुपयांपर्यंत असते आणि जर तो खराब झाला तर तुम्हाला त्याच्या देखभालीचा खर्च देखील करावा लागतो . ज्यामध्ये तुम्हाला मोठी रक्कम खर्च करावी लागण्याची शक्यता असते. तुम्हाला हवे असल्यास, तुम्ही तुमच्या घरातील जुना कुलर अगदी नवीन बनवू शकता. तेही फक्त ५०० रुपये खर्च करून. वाचा: आज आम्‍ही तुम्हाला अशीच भन्नाट पद्धत सांगणार आहोत. या टिप्सच्‍या मदतीने तुम्हाला तुमच्या जुन्या कूलरमधून अगदी नव्या कूलर सारखे कुलिंग मिळू शकेल. पाण्याचा पंप :कोणत्याही कूलरसाठी सर्वात महत्वाची गोष्ट म्हणजे पाण्याचा पंप. जो, टाकीतून पाणी काढतो आणि नंतर ते गवतावर पुरवितो. ज्यामुळे गवत थंड होते. जेव्हा कूलरच्या आत हवा येते तेव्हा ते देखील थंड होते. ज्याने घर थंड होते. हे पंप बाजारात अतिशय कमी दरात उपलब्‍ध असतात. तुम्ही ते १०० ते २०० रुपयांमध्ये मध्ये खरेदी करू शकता. तुम्ही हा पंप स्वतःही बसवू शकता, त्यामुळे तुमचे खूप पैसे वाचतील. ग्रास पॅनल्स: प्रत्येक कूलरच्या पॅनलमध्ये एक गवत असते ज्यावर पाणी पडल्यानंतर कूलर थंड होतो. खरे पाहता ते खस असते. तुम्ही जर ते विकत घेण्यासाठी गेलात, तर तुम्हाला २०० रुपयांमध्ये जवळपास ३ ग्रास पॅनल्स सहज मिळतील. जे तुम्हाला तुमच्या कूलरच्या विंड पॅनलवर बसवावे लागतील. हे गवत लावल्यानंतर त्यावर पाणी पडल्यावर तुमचा कूलर उत्तम कॉलिंग देतो. अशा परिस्थितीत फक्त ₹ ५०० खर्च करून तुमचा कूलर एकदम नव्या सारखा बनवू शकता आणि तुम्हाला नवीन कूलर घेण्याची गरजही भासणार नाही. तसेच, अतिरिक्त पैसे देखील खर्च करावे लागणार नाही. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/0dijVxU
