मुंबई- अभिनेता आणि त्याची बायको यांच्या विकेंडचा सुरुवातीचा एक धम्माल फोटो सोशल मीडियावर व्हायरल झाला आहे. हा फोटो ट्विंकलनं तिच्या इन्स्टाग्रामवर शेअर केला आहे. हा फोटो पाहून युझर्सनी अक्षयवर कौतुकाचा वर्षाव केला आहे तर काहींनी त्याची थट्टा उडवली. ट्विंकलनं अक्षयचा जो फोटो शेअर केला, त्यावरून अभिनेता खऱ्या आयुष्यात किती साधं रहाणं पसंत करतो ते दिसतं. फोटोमध्ये अक्षयने तोंडावर मास्क लावला आहे, त्यामुळे पटकन त्याला कोणीही ओळखू शकलेलं नाही. इतकंच नाही तर रस्त्याच्या कडेला उभ्या असलेल्या शहाळंविक्रेत्याकडे जाऊन तो शहाळ्याचं पाणी घेताना दिसत आहे. अक्षयसारखा सुपरस्टार रस्त्यावर उभा होते हे तिथून जाणाऱ्या- येणाऱ्या कुणाच्याही लक्षात आलं नाही. प्रत्येकजण त्यांच्या कामात व्यग्र होते. इतकंच नाही तर तर तो शहाळ विक्रेता देखील मान खाली घालून शहाळं सोलताना दिसत आहे. ट्विंकलनं अक्षयचा फोटो गाडीमध्ये बसून घेतला. फोटो शेअर करत तिनं लिहिलं की, 'शनिवारची सकाळ. रिकामे रस्ते, शॉर्ट ट्रीप आणि अनियोजीत घेतलेला स्टॉप.' ट्विंकलनं हा फोटो शेअर केल्यानंतर युझर्सनं वेगवेगळ्या प्रकारच्या कमेन्ट केल्या आहेत. एका युजरनं लिहिलं की, 'शहाळविक्रेता नशीबवान आहे. त्याला अक्षय कुमारला पाहण्याची संधी मिळाली.' आणखी एकानं लिहिलं की, 'त्यानं मास्क लावला आहे, हे पाहून बरं वाटलं. मास्क कलाकारांसाठी वरदान ठरलं. खूप सारे प्रेम', आणखी एकानं लिहिलं की, 'अक्षय कुमारला कुणीच ओळखलेलं दिसत नाहीए.' युझर्सनी अशा प्रकारच्या बऱ्याच कमेन्ट केल्या आहेत. आणखी एकानं लिहिलं की, 'कोणतेही नखरे नाहीत. जमिनीवर पाय असलेला कलाकार. नारळ पाणी तब्येतीसाठी उत्तम आहे.' एका युझरनं मजेशीर कमेन्ट केली. त्यानं लिहिलं की, 'मी तर मागून पाहिलं तरी सांगू शकतो की हा अक्षय कुमार आहे..' एका युझरनं प्रश्न विचारला की, 'शहाळं विक्रेत्याला माहिती आहे का समोर उभा असलेला अक्षय कुमार आहे ते?'
from Marathi Bollywood News, Marathi Cinema News https://ift.tt/c5YhsKa
