मुंबई- सुशांतसिंह राजपूतच्या निधनानंतर त्याच्या चाहत्यांनी सोशल मीडियावर बॉलिवूडमधील अनेक बड्या स्टार्सना ट्रोल करायला सुरुवात केली आहे. बॉलिवूडमधील घराणेशाहीने सुशांतचा बळी घेतला असं अनेकांचं मत आहे. एवढंच नाही तर करण जोहर, सलमान खान, एकता कपूरसहित अन्य लोकांविरोधातही पोलिसांमध्ये तक्रार नोंदवण्यात आली आहे. घराणेशाहीवरचा वाद सोशल मीडियावरही स्पष्टपणे दिसतो. याचमुळे अनेक सेलिब्रिटींनी त्यांचं सोशल मीडिया अकाउंट काही काळासाठी बंद करण्याचा निर्णय घेतला. प्रसिद्ध गायिका नेहा कक्कडनेही सोशल मीडिया सोडण्याचं निश्चित केलं आहे. तिने इन्स्टाग्रामवर लिहिलं की, 'पुन्हा झोपायला जातेय.. जेव्हा हे जग सुंदर होईल तेव्हा उठवा. एक असं जग जिथे स्वातंत्र्य, प्रेम, सन्मान, काळजी, मस्ती आणि चांगले लोक असतील. मला अशा जगात नाही राहायचंय जिथे द्वेष, , हिटलर, हत्यारे, आत्महत्या आणि वाईट लोक असतील.. गुड नाईट. घाबरू नका.. मी मरत नाहीये.. फक्त काही दिवसांसाठी जातेय.' नेहाने स्वतःला सांगितलं भावुक- या पोस्टच्या कॅप्शनमध्ये नेहाने लिहिलं की, 'कोणाला वाईट वाटलं असेल तर मी त्यांची माफी मागते. पण गेल्या अनेक दिवसांपासून मला असं वाटतंय. स्वतःहून आनंदी राहण्याचा मी प्रयत्न करतेय पण तसं होत नाहीये. मी एक सामान्य माणूस आहे आणि फार भावनिकही आहे. या सर्व गोष्टी मला त्रास देतात पण घाबरू नका मी ठीक आहे. माझं तुम्हा सर्वांवर प्रेम आहे.' या सेलिब्रिटींनी बंद केलं सोशल मीडिया अकाउंट याआधी सोनाक्षी सिन्हा, साकिब सलीम, आयुष शर्मा आणि जहीर इकबाल या कलाकारांनीही त्यांचं ट्विटर अकाउंट काही काळासाठी बंद केलं. डिअॅक्टिवेट केलं ट्विटर अकाउंट- सोनाक्षीने शनिवारी इन्स्टाग्रामवर स्पष्ट केलं की ती ट्विटरवर नाहीये. यासंबंधीचा एक स्क्रिनशॉट तिने इन्स्टाग्रामवर शेअर केला. यासोबतच तिने कॅप्शनमध्ये लिहिले की, ''आग लगे बस्ती में... मैं अपनी मस्ती में! बाय ट्विटर' इन्स्टाग्रामवरही कमेन्ट दिसणं थांबवलं- सोनाक्षीने ट्विटरवरील जो स्क्रीनशॉट शेअर केला त्यात लिहिले होते की, 'स्वतःची मनःशांती वाचवण्यासाठी मी स्वतःला नकारात्मकतेपासून वाचवत आहे. याचसाठी ट्विटरपासून स्वतःला दूर केलं आहे. चला.. मी जाते.. मी माझं ट्विटर अकाउंट डिअॅक्टिवेट करत आहे.' ही पोस्ट इन्स्टाग्रामवर टाकल्यानंतर तिने काही वेळानंतर ट्विटर अकाउंट डिअॅक्टिवेट केलं. यासोबतच तिने इन्स्टाग्रामवरील कमेन्टही बंद केल्या आहेत. बॉलिवूड माफिया म्हटल्या जाणाऱ्यांचं सोनाक्षीने केलं होतं समर्थन- ज्या लोकांना बॉलिवूड माफिया म्हटलं जात होतं त्या सर्वांचं सोनाक्षीने समर्थन केलं. सोनाक्षी म्हणाली की, काही लोक सुशांतच्या मृत्यूची पब्लिसिटी करत आहेत. यावेळी सोनाक्षीने ट्रोल करणाऱ्यांची कठोर शब्दात निंदा केली होती.
from Marathi Bollywood News, Marathi Cinema News https://ift.tt/3fOlk6R