कल्पेशराज कुबल होईल तेव्हा होईल, पण आधी शीर्षक नोंदणी तर करुन घेऊ, या विचारातून सिनेनिर्मात्यांमध्ये शीर्षकांच्या नोंदणीसाठी एकच रस्सीखेच सुरू झाली आहे. ताजे संदर्भ घेत, '', '', '' या शब्दांचा कल्पकतेनं वापर करून शीर्षकांची नोंदणी केली जातेय. समाजातील घटनांचं प्रतिबिंब चित्रपटाच्या पडद्यावरही दिसतं असं म्हटलं जातं. त्यामुळे सध्याचे ताजे संदर्भ घेत त्यावरुन चित्रपटांच्या नावांची नोंदणी करण्यासाठी सिनेनिर्मात्यांमध्ये एकच स्पर्धा सुरू झाली आहे. चित्रपटाचं पुढे पाहता येईल, आधी नावाची नोंदणी तर करून ठेवू, हा विचार करून निर्माते शीर्षकांची नोंदणी करून ठेवत आहेत. सध्या देशात आणि जगभरात घडणाऱ्या घटनांच्या आधारावर चित्रपटांच्या नावं ठेवली जाताहेत. परिणामी 'गलवान', 'आत्मनिर्भर', 'लॉकडाउन', 'करोना प्यार है' यासारख्या नावांचे चित्रपट लवकरच प्रेक्षकांच्या भेटीला येण्याची शक्यता आहे. बॉलिवूडमध्ये आजवर अनेक सत्य घटनांवर आधारित सिनेमांची निर्मिती झाली आहे. प्रेक्षकांचादेखील अशा चित्रपटांना भरभरुन प्रतिसाद मिळतो हे सिनेनिर्मात्यांना ठाऊक आहे. त्यामुळेच सत्य घटनेवर आधारित सिनेमांची निर्मिती करण्याची शर्यत लागली आहे. स्वत:साठी नावनोंदणी करून ठेवण्यापासून शर्यतीला सुरुवात झाली आहे. गलवान खोऱ्यातील संघर्षावर आधारित चित्रपटाची घोषणा करण्यास अभिनेता-निर्माता अजय देवगण तयार असल्याचं कळतंय. चिनी सैनिकांशी लढताना हुतात्मा झालेल्या वीस भारतीय जवानांच्या बलिदानाची कहाणी यात दाखवली जाणार आहे. अजय या चित्रपटात काम करेल की नाही हे अद्याप समजू शकलेलं नाही. सिनेमाचे कलाकार आणि इतर तंत्रज्ञांची यादी अंतिम टप्प्यात असल्याचं कळतंय. दुसरीकडे एका बड्या निर्मिती संस्थेनं 'गलवान', 'गलवान वॅली', 'गलवान १५ जून २०२०' अशा तीन नावांची नोंद प्रोड्युसर्स असोसिएशनकडे केली आहे. 'गलवान'च्या मुद्द्याबरोबरच 'करोना हा विषय देखील बॉलिवूडकरांच्या रडारवर आहे. भारतासह जगभरात करोना विषाणूनं चिंतेचं वातावरण आहे. गेल्या चार महिन्यांपासून जगभरात अस्वस्थता पसरली असताना दुसरीकडे बॉलिवूडच्या सिनेनिर्मात्यांनी त्यांच्या आगामी सिनेमांच्या शीर्षकांकरीता 'करोना' हा शब्द आपल्या सिनेमात वापरून संबंधित सिनेमांच्या नावाची नोंदणी करायला सुरुवात केली आहे. 'करोना' हा शब्द सध्या सिनेनिर्मात्यांच्या अधिक पसंतीस उतरत आहे. कारण, सिनेमांच्या नावांसाठी याच शब्दाला अधिक प्राधान्य असल्याचं निदर्शनास आलंय. सिनेमाची कथा ठरण्याअगोदरच सिनेमाचं शीर्षक आपल्या मालकीचं करून घेण्यासाठी निर्मात्यांमध्ये चांगलीच रस्सीखेच पाहायला मिळतेय. परिणामी, अनेक निर्मात्यांना असोसिएशनकडे आगामी सिनेमासाठीचं नाव अगोदरच रजिस्टर करून ठेवायचे आहे. त्यात 'करोना' हा शब्द त्यांना विशेषत्वानं आणायचा आहे. करोना प्यार है दिग्दर्शक आनंद एल राय यांनी त्यांच्या आगामी सिनेमासाठी 'करोना व्हायरस' या शीर्षकाची नोंद केली आहे. अभिनेता हृतिक रोशनचा सुपरहिट 'कहोना प्यार है' या सिनेमाच्या नावाशी साम्य ठेवत 'करोना प्यार है' या चित्रपटाचे शीर्षक इरॉस इंटरनॅशनलनं नोंदवलं आहे. आयएफटीसीपीच्या (इंडियन फिल्म अँड टेलिव्हिजन प्रोड्यूसर काउन्सिल) सूत्रांनी दिलेल्या माहितीनुसार, इरॉस इंटरनॅशनलनं गेल्या आठवड्यात 'करोना प्यार है' या चित्रपटाचे शीर्षक म्हणून त्यांची नोंदणी केलीय. त्याचप्रमाणे आयएमपीपीए अर्थात 'इंडियन मोशन पिक्चर प्रोड्यूसर असोसिएशन'कडे देखील सिनेनिर्माते करोनावर आधारित चित्रपटांची नावं नोंदवण्यासाठी उत्साही आहेत. सध्या 'डेडली करोना' या नावाची नोंद असोसिएशनकडे झाली आहे. येत्या दिवसांमध्ये अशा प्रकारच्या सिनेमांच्या शीर्षकांसाठी अधिक अर्ज असोसिएशनकडे येण्याची अधिक शक्यता असल्याचं असोसिएशनचं म्हणणं आहे. या सिनेमांच्या शीर्षकांची नोंदणी * गलवान * गलवान व्हॅली * गलवान १५ जून २०२० * लॉकडाउन * लॉकडाउन एल लोचा * आत्मनिर्भर * करोना व्हायरस * कोविड १९ * करोना २०२० * करोना लॉकडाउन * इंडिया लॉकडाउन * करोना प्यार है * वन वेपन करोना * डेडली करोना * करोना - दि डेडली व्हायरस
from Marathi Bollywood News, Marathi Cinema News https://ift.tt/2ZYaVPY