मुंबई: दिवंगत अभिनेता याच्या निधनाला आता महिना उलटलाय. सुशांतनं आपल्या मुंबईतील राहत्या घरी १४ जून रोजी गळफास लावून आत्महत्या केली होती. या प्रकरणाची मुंबई पोलिसांकडून अद्याप चौकशी सुरू आहे. या प्रकरणात आता अंमलबजावणी संचालनालय म्हणजेच () ईडीकडून तपास होणार आहे. सुशांतच्या बॅंक अकाऊंटमधून तब्बल १५ कोटींची रक्कम गायब असून याचं अंकानं तपास करण्यासाठी ईडीनं या प्रकरणात उडी घेतल्याची माहिती आहे. सुशांतच्या वडिलांनी रियाविरोधात तक्रार दाखल केल्यानंतर या प्रकरणाला वेगळं वळण लागलं असून गेल्या दोन दिवसांत अनेक घडामोडी घडल्या आहेत. सुशांतची गर्लफ्रेंड रिया चक्रवर्ती हिच्यावर सुशांतला फसवून त्याचे पैसे हडपल्याचा आरोप आहे. या अनुशंगानं आता अंमलबजावणी संचालनालयाकडून याची चौकशी होणार आहे. या प्रकरणी मुंबईच्या किंवा बिहारच्या शाखेत नव्यानं एक तक्रार दाखल होण्याची शक्यता आहे. तसंच सुशांतला आयटी उद्योजक बनायचं होतं. त्यासाठी तो गुंतवणूक देखील करत होता. अशीच एक गुंतवणूक त्यानं त्याची गर्लफ्रेंड रिया चक्रवर्तीच्या नावे असलेल्या कंपनीत केली असल्याची माहिती समोर आली आहे. २०१९ मध्ये ही कंपनी सुरु करण्यात आली होती. ही कंपनी कृत्रिम बुद्धिमत्ता (artificial intelligence) आणि प्रयोगशील तंत्रज्ञानात काम करत होती. केवळ उद्योजक बनून कमाई न करता आपण समाजाचे काही देणे लागतो या भावनेनं त्यानं गरीब आणि कुपोषित मुलांसाठी एक संस्था सुरु केली होती. फ्रंट इंडिया या संस्थेकडून आरोग्य सेवा आणि भूकबळीवर काम करत होती.
from Marathi Bollywood News, Marathi Cinema News https://ift.tt/314fA38
