मुंबई: बॉलिवूडची चिकनी चमेली अर्थात अभिनेत्री कतरिना कैफचा आज वाढदिवस. कतरिना सध्या अभिनेता विकी कौशलयाला डेट करतेय अशा चर्चा सुरू आहेत. पण दोघांनीही यासंदर्भात बोलणं टाळलं आहे. कदाचीत कतरिनाला भूतकाळात झालेल्या काही गोष्टींचा त्रास यासाठी कारणीभूत असू शकेल. सुरुवातील कतरिनाचं नाव सलमान खानसोबत जोडलं गेलं होतं. त्यानंतर ती रणबीर कपूरसोबत रिलेशनशिपमध्ये होती. पण रणबीर आणि कतरिना यांच्या ब्रेकअपमुळं सर्वांनाच धक्का बसला होता. आणि या दोघांचं ब्रेक-अप नेमकं का झालं याविषयी दोघांनीही बोलणं टाळलं. परंतु, एका मुलाखती दरम्यान रणबीरशी झालेल्या ब्रेक-अपबद्दल कतरिनानं पहिल्यांदा मौन सोडलं. 'फिल्मफेअर'ला दिलेल्या मुलाखतीत तिनं पहिल्यांदा रणबीरसोबत झालेल्या ब्रेक-अपचा आणि तिला त्यावेळी काय वाटतं होते याचा खुलासा केला होता. ती म्हणाली होती की, 'आमच्या ब्रेक-अपनंतर माझ्या खासगी आणि व्यावसायिक आयुष्यातील बऱ्याच गोष्टी बदलल्या. आमच्या ब्रेक-अपने मला माझ्या आयुष्याविषयी, स्वत:विषयी अनेक गोष्टींचं विश्लेषण करायला भाग पाडलं. माझ्यासोबत जे घडायचं होतं ते घडलंच. पण सर्व काही विशिष्ट कारणासाठी घडतं असं मला वाटतं. मला आजही आठवतंय मी बार बार देखोच्या चित्रीकरणासाठी थायलंडला जात होते. मुंबई ते थायलंड या संपूर्ण विमान प्रवासात माझ्या डोक्यात आमचेच विचार घोळत होते. तुम्ही जेव्हा एखाद्या गोष्टीमध्ये गुंतता तेव्हा त्यातून बाहेर पडणं तुमच्यासाठी फार त्रासदायक ठरतं. ते विचार तुम्हाला एकटं सोडतंच नाहीत. सतत त्याच गोष्टी आठवून वाईट वाटतं राहते, त्रास होतं राहतो. एखाद्या व्यक्तीमुळे आपल्याला इतका त्रास कसा काय होऊ शकतो मला याचा विचार करून स्वत:बद्दल आश्चर्य वाटू लागले. आयुष्याच्या त्या टप्प्यात मी प्रचंड वाचन केलं. मला मानवी स्वभावाच्या विविध पैलूंबद्दल जाणून घ्यायचे होते. मी खूप वाचले, खूप विचार केला आणि या सगळ्याकडे पाहण्याचा माझा दृष्टिकोन पूर्णपणे बदलायचा असं मी एका रात्री मनाशी पक्कं केलं. त्यानंतर मी हळूहळू या सगळ्यातून बाहेर पडू लागले.' असं ती म्हणाली होती. रणबीर आणि कतरिना यांच्या नात्याची इंडस्ट्रीत खूप चर्चा होती. ते दोघं लिव्हइनमध्ये एकत्र राहतायत, त्यांनी गुपचूप लग्न केलंय असं बरंच काही लिहिलं-बोललं गेलं होतं. दोघं स्वतः याबाबत काही बोलत नव्हते. तरीही बातम्या येतच होत्या. शेवटी एकसारखं त्याच त्या प्रश्नांना उत्तरं देऊन रणबीरचा पारा चढलाच होता. ‘माझं आयुष्य म्हणजे एक रिअॅलिटी शो झालाय. मी काय करतो, कुठे जातो याबद्दल सतत उलटसुलट बातम्या सतत येत असतात. माझ्या घरच्यांनाही याचा त्रास होतोय’, असं तो एका पत्रकार परिषदेत वैतागून म्हणाला होता.
from Marathi Bollywood News, Marathi Cinema News https://ift.tt/2ZvMw59
