मुंबई: आपल्या बोल्ड अदाकारीनं काही वर्षांपूर्वी बॉलिवूडमध्ये खळबळ माजवणारी अभिनेत्री तुम्हाला आठवत असेल. तिच्या तितक्याच खळबळजनक आयुष्यावर लवकरच एक चित्रपट तयार होणार आहे. ममताच्या आयुष्यावर बेतलेल्या 'द स्टारडस्ट अफेअर' या पुस्तकाचा यासाठी आधार घेण्यात येणार असल्याचं कळतंय. सिनेमा बनवण्यासाठी या पुस्तकाचे हक्क निर्माता यांनी घेतले आहेत. ममता कुलकर्णीच्या आयुष्यातील अनेक धक्कादायक घटनांची माहिती या पुस्तकामध्ये आहे. बॉलिवूडमध्ये स्टार होण्यापासून ते गुन्हेगारी जगतातील लोकांशी तिचे असलेले कथित संबंध अशा प्रत्येक गोष्टीची तेव्हा खूप चर्चा झाली होती. नेहमी चर्चेत राहिलेलं आणि वादग्रस्त नाव असल्यानं त्यावर चित्रपट तयार होत असल्याचं बोललं जातंय. बॉलिवुडमधील बिनधास्त गर्ल ममता कुलकर्णी ही एकेकाळी दाऊदचा 'खास' समजल्या जाणाऱ्या छोटा राजनची प्रेयसी होती. राजनमुळेच तिला बॉलिवुडमधील आपलं स्थान पक्कं करता आलं. बॉलिवुड इंडस्ट्रीतून बाहेर पडल्यानंतर तिने अंमली पदार्थांचा तस्कर असलेल्या विक्रम गोस्वामी याच्यासोबत लग्न केलं. याचदरम्यान, गोस्वामीला अटक करून देण्यात दाऊदचा हात होता, असेही बोलले जाते. कारण गोस्वामी छोटा राजनसाठी काम करत होता आणि दाऊद आणि राजन यांच्यात बिनसलं होतं. २०१६ मध्ये ठाणे पोलिसांनी अंमली पदार्थांचा कोट्यवधी रुपयांचा व्यवसाय करणाऱ्या एका टोळीचा पर्दाफाश केला होता. त्यात ममता कुलकर्णीचं नाव मुख्य आरोपी म्हणून पुढं आलं होतं. याप्रकरणात ममता वारंवार कोर्टात हजर राहिली नव्हती. त्यामुळं एनडीपीएसच्या विशेष न्यायालयाचे न्यायाधीश एच. एम. पटवर्धन यांनी ममताचे मुंबईतील तीन फ्लॅट जप्त करण्याचे आदेश दिले होते. ममताच्या या तिन्ही अलिशान फ्लॅट्सची किंमत २० कोटी एवढी आहे. अंमली पदार्थांची तस्करी केल्याप्रकरणी विकी गोस्वामीला भारतात आणण्याचे प्रयत्न सुरु असताना एका वाहिनीला फोनवरून दिलेल्या मुलाखतीत त्यानं सोन्याचा व्यवसाय करत असल्याचे सांगितलं होतं. माझा आणि अंमली पदार्थ व्यवसायाशी काहीही संबंध नाही. मला सोन्याचा व्यवसाय करण्याचा परवाना मिळाला आहे. मात्र नंतर पोलिसांनी मला अंमली पदार्थाचा व्यापार करत असल्याचं सांगत चुकीच्या गुन्ह्यात गोवल्याचे विकी म्हणाला होता. तसंच ममता कुलकर्णी ही पत्नी आहे का? या प्रश्नावर त्याने नाही असं उत्तर दिलं होतं ममता एक सेलिब्रिटी आहे. मी शपथेवर सांगतो की ममता माझी पत्नी नाही. ती फक्त माझी शुभचिंतक आहे. जेव्हा जेव्हा माझ्यावर संकट आलं, तेव्हा तेव्हा ती माझ्यासोबत उभी राहिल्याचे विकीनं सांगितलं हों.
from Marathi Bollywood News, Marathi Cinema News https://ift.tt/30E0eSH
