मुंबई: लॉकडाऊन शिथिल केल्यानंतर चित्रपट आणि मालिकांच्या चित्रिकरणाला सुरुवात झाली. पण अनेक कलाकारांना करोनाची लागण झाल्याचं समोर आलं आहे. अभिनेता सुबोध भावे, त्याची पत्नी आणि मुलगा यांना झाल्यानंतर आता आणखी एका मराठी सिनेसष्टीतील अभिनेत्याची करोना टेस्ट पॉझिटिव्ह आली आहे. 'बीग बॉस' फेम अभिनेता याला देखील करोनाची लागण झाली आहे. अभिजीतनं सोशल मीडियावर पोस्ट शेअर करून त्याची करोना टेस्ट पॉझिटिव्ह आल्याचं सांगितलं आहे. 'नमस्कार, सर्व प्रकारची काळजी घेऊनही मला कोरोनाची लागण झाली. माझी फक्त पाठ दुखत होती ह्या व्यतिरिक्त मला आणखी काहीही होत नव्हतं किंवा सर्दी,खोकला, ताप अशी कुठलीही लक्षणही नव्हती. डॉक्टरांना विचारल्यावर त्यांनी टेस्ट करून घ्यायला सांगितली जी पॉझिटिव्ह आली. त्यानंतर डॉक्टरांच्या सल्ल्यानुसार मी व्यवस्थीत ट्रीटमेंट घेत आहे आणि आता माझी तब्येत उत्तम आहे. माझी बायको तृप्ती आणि राधा- मल्हार सगळे ठणठणीत आहेत. तुमच्या शुभेच्छा आणि आशीर्वाद असेच कायम पाठीशी असू देत धन्यवाद', असं अभिजितनं त्याच्या पोस्टमध्ये म्हटलं आहे. दरम्यान, सिनेअभिनेत्री दिपाली सय्यदला गेल्या काही दिवसांपासून करोनाची सुरुवातीची लक्षणं जाणवतं होती. ही लक्षणं अंगावर न काढता तिनं तातडीनं करोनाची चाचणी करून घेण्याचा निर्णय घेतला. यासोबतच तिच्या संपर्कात आलेल्यांनाही तिनं चाचणी करून घेण्याचं आवाहन केलं आहे. दिपालीनं सोशल मीडियावर मेसेज टाकत म्हटलं की, ‘करोनाची सुरुवातीची लक्षणं जाणवत असल्यामुळं आज मी करोनाची टेस्ट करून घेणार आहे. गेल्या काही दिवसांत सामाजिक उपक्रमांच्या माध्यमातून अनेक लोकांशी संपर्क आला होता. याचमुळे माझ्या संपर्कात आलेल्या कोणाला काही त्रास जाणवत असल्यास त्यांनीही स्वतःची तपासणी करून घ्यावी.’
from Marathi Bollywood News, Marathi Cinema News https://ift.tt/2Z74V7V
