मुंबई: बॉलिवूड अभिनेता याला फुफ्फुसाचा कर्करोगाचं निदान झाल्यानं त्याच्या कुटुंबियांना आणि चाहत्यांना धक्का बसला आहे. संजयचा कर्करोग तिसरा टप्प्यातला असून तो लवकरच अमेरिकेत उपचारांसाठी रवाना होणार असल्याचं कळतंय. संजयच्या तब्येतीविषयी सोशल मीडियावर काही पोस्ट शेअर झाल्यानंतर त्याची पत्नी हिनं एक पत्रक जारी करून चाहत्यांना अफवा न पसरवण्याचं आवाहन केलं आहे. संजूच्या आरोग्यासाठी प्रार्थना करणाऱ्यांचे मी मनापासून आभार मानते. या कठीण काळातून सावरण्यासाठी आम्हाला तुमच्या या प्रार्थना हव्या आहेत. गेल्या काही वर्षांमध्ये आम्ही अनेक संकटातून गेलो आहेत. खुप काही सहन केलं आहे. पण ही वेळ देखील निघून जाईल; असं मान्यता म्हणते. तसंच संजूच्या चाहत्यांना मी विनंती करते की, कोणत्याही अफवांवर लक्ष देऊ नका, त्याच्यावर तुमचं प्रेम असंच राहु द्या. संजू लढवय्या आहे. या संकटाला पण तो धीरानं सामोरं जाईल. आजपर्यंत आमच्या कुटुंबांनं समोर आलेल्या सर्व संकटांवर मात केली. पण देवानं पुन्हा एकदा आमची परिक्षा घ्यायची ठरवली आहे',ही लढाईत पण आम्ही विजयी होऊ' असं मान्यतानं म्हटलं आहे. लॉकडाऊन घोषित झाल्यानंतर मान्यता दुबईत अडकली होती. संजयची तब्येत अचानक बिघडल्यानं ती मंगळवारी दोन्ही मुलांना घेऊन मुंबईत परतली आहे. आठ ऑगस्ट रोजी संजय दत्तला श्वास घेण्यास त्रास होत होता. त्यामुळं त्याला मुंबईतील लीलावती रुग्णालयात दाखल करण्यात आलं. तिथं त्याची करोना चाचणी घेण्यात आली. जी नेगेटिव्ह आली. त्यानंतर १० ऑगस्ट रोजी त्याला रुग्णालयातून सोडण्यात आलं. त्यानंतर अनेक सेलिब्रिटींनी संजय दत्तला कॅन्सर असल्याची पोस्ट शेअर केली होती.
from Marathi Bollywood News, Marathi Cinema News https://ift.tt/31H0Mry