मुंबई- बॉलिवूडमधील अनेक सिनेमांमध्ये काम केलेल्या मिनिषा लांबाने तिचं लग्न तुटल्याचं स्वतः सांगितलं. जवळपास दोन वर्ष मिनिषा नवऱ्यापासून लांब राहत होती. याबद्दल तिने कुठेही वाच्यता केली नाही. अखेर मिनिषा आणि यांनी आपआपले मार्ग वेगळे केले असून घटस्फोट झाल्याचं निश्चित केलं आहे. २०१५ मध्ये केलं होतं लग्न मिनिषा आणि रायन यांची पहिली भेट २०१३ मध्ये एका नाइट क्लबमध्ये झाली होती. यानंतर जवळपास २ वर्ष दोघांनी एकमेकांना डेट केलं आणि २०१५ मध्ये त्यांनी खासगी पद्धतीत लग्न केलं होतं. मात्र ऑक्टोबर २०१८ पासून मिनिषा रायनसोबत न राहता वेगळी राहू लागली. तिच्या नात्यात कटूता येऊ लागली. मात्र याबद्दल मिनिषाने कोणालाही काही सांगितले नाही. आता तिने दोघांचा आधीच घटस्फोट झाला असल्याचं सांगितलं. सुपरहिट सिनेमांमध्ये केलं काम मिनिषाने कॉर्पोरेट, हनीमून ट्रॅवल्स प्राइवेट लिमिटेड, दस कहानियां, बचना ऐ हसीनों, शौर्य, वेल डन अब्बा भेजा फ्राय 2, भेजा फ्राय 3 या सुपरहिट सिनेमांमध्ये काम केलं. मिनिषा लांबाने दिल्ली यूनिव्हर्सिटीतील मिरांडा हाउस कॉलेजमधून शिक्षण पूर्ण केलं. याचवेळी तिने मॉडेलिंगलाही सुरुवात केली होती. अनेक जाहिरातींमध्ये तिने काम केलं. यानंतर शूजित सरकार यांच्या ‘यहां’ सिनेमातून बॉलिवूडमध्ये पदार्पण केलं.
from Marathi Bollywood News, Marathi Cinema News https://ift.tt/2BT7RfL
