मुंबई- हिंदी सिनेसृष्टीसाठी २०२० हे वर्ष फारच कठीण आहे. एकीकडे करोना व्हायरस सारख्या महामारीने आर्थिक संकट आणलं आहे तर दुसरीकडे अनेक नावाजलेले आणि हरहुन्नरी कलाकार जगाचा निरोप घेत आहेत. प्रसिद्ध दिग्दर्शक यांचंही प्रदीर्घ आजाराने निधन झालं. क्रोनिकल लीवर डिसीस आजाराने त्रस्त होते. त्यांच्या फिल्मी सफरनाम्यावर एक नजर टाकू... प्रत्येक तरूणाप्रमाणे निशिकांत यांचंही सिनेमावर अतीव प्रेम होतं. निशिकांत यांनीही सुरुवातीच्या काळात अभिनेता व्हायचं स्वप्न उराशी बाळगलं होतं. भविष्यात त्यांचं हे स्वप्न पूर्णही झालं. २००४ मध्ये आलेल्या हवा आने दे सिनेमातून त्यांनी आपल्या करिअरची सुरुवात केली. या सिनेमात त्यांनी अभिनेता म्हणून काम केलं. यानंतर निशिकांत यांनी काही मराठी सिनेमात अभिनेता म्हणून काम केलं. यातला गाजलेला सिनेमा होता सातच्या आत घरात. या सिनेमाचं लेखनही निशिकांत यांनीच केलं होतं. पण यानंतर अभिनयात त्यांना फारसं यश मिळालं नाही. पण सिनेमात्या प्रेमाखातर त्यांनी अभिनयातून आपलं लक्ष दिग्दर्शनाकडे वळवलं. अगदी थोड्याच काळात त्यांनी स्वतंत्रपणे सिनेमे दिग्दर्शित करायला सुरुवात केली. २००५ मध्ये त्यांनी पहिला सिनेमा दिग्दर्शित केला. तो म्हणजे सुपरहिट डोंबिवली फास्ट. या सिनेमामुळे निशिकांत कामत हे नाव घराघरात पोहोचलं. पहिलाच दिग्दर्शित सिनेमा आणि त्याला मिळालेलं घवघवीत यश यामुळे दिग्दर्शन वर्तुळात निशिकांत यांचं नाव ठळकपणे घेतलं जाऊ लागलं. या सिनेमानंतर निशिकांत यांच्यातला दिग्दर्शक पुर्णपणे स्वतंत्र झाला आणि त्यांनी इतर भाषिक सिनेमांचंही दिग्दर्शन करायला सुरुवात केली. २००७ मध्ये त्यांनी एक तमिळ सिनेमाही दिग्दर्शित केला. २००८ मध्ये ते पुन्हा एकदा हिंदी सिनेमांकडे वळले आणि 'मुंबई मेरी जान' हा सिनेमा दिग्दर्शित केला. या सिनेमामुळेही निशिकांत यांच्या नावाची चर्चा झाली. एकीकडे दिग्दर्शनात घवघवीत यश मिळत असताना त्यांच्यातला अभिनेता त्यांना स्वस्थ बसू देत नव्हता. २०११ मध्ये आलेल्या ४०४ या हिंदी सिनेमात त्यांनी अभिनय केला. यानंतर २०११ मध्ये त्यांनी जॉन अब्राहम स्टारर फोर्स सिनेमाचं दिग्दर्शन केलं. या सिनेमाने बॉक्स ऑफिसवर तुफान गल्ला कमावला होता. या सिनेमाने त्यांना दिग्दर्शक म्हणून ओळख मिळवून दिली. यानंतर २०१४ मध्ये रितेश देशमुखच्या लय भारी सिनेमाचंही त्यांनी दिग्दर्शन केलं होतं. दृश्यममुळे निशिकांत कामत आले लाइमलाइटमध्ये २०१५ मध्ये आलेल्या दृश्यम सिनेमामुळे निशिकांत कामत लाइमलाइटमध्ये आले. निशिकांत यांच्या करिअरमधील सर्वात यशस्वी सिनेमा म्हणून याकडे पाहिलं जातं. बॉक्स ऑफिसवर हा सिनेमा सुपरहिट ठरला होता. यानंतर २०१६ मध्ये जॉन अब्राहमच्या रॉकी हँडसम सिनेमात त्यांनी खलनायकाची भूमिका साकारली होती. याशिवाय इरफान खान स्टारर मदारी आणि अनिल कपूर यांचा मुलगा हर्षवर्धनच्या भावेश जोशी सिनेमातही त्यांनी अभिनय केला होता. निशिकांत कामत यांचे आगामी सिनेमे निशिकांत सध्या दरबदर या त्यांच्या आगामी प्रोजेक्टवर काम करत होते. २०२२ मध्ये हा सिनेमा प्रदर्शित होणार होता. पण आता या सिनेमाच्या प्रदर्शनाची तारीख अजून पुढे ढकलली जाण्याची शक्यता आहे. सिनेमांशिवाय रंगबाज फिर से आणि फायनल कॉल या दोन टीव्ही प्रोग्रामचेही निशिकांत निर्माते होते. जन्म- १७ जून १९७० मध्ये मुंबईतील दादर येथे निशिकांत यांचा जन्म झाला. मध्यमवर्गीय कुटुंबात जन्मलेल्या निशिकांत यांचं स्वप्न यशाच्या शिखरावर पोहोचण्याचं होतं. रूईया कॉलेजमधून त्यांनी आपलं शिक्षण पूर्ण केलं. पुरस्कार- निशिकांत यांना राष्ट्रीय पुरस्कारानेही गौरविण्यात आलं आहे. २००६ मध्ये आलेल्या डोंबिवली फास्ट या सिनेमासाठी त्यांना राष्ट्रीय पुरस्कार मिळाला होता. तसेच या सिनेमासाठी फिल्मफेअरचा बेस्ट क्रिटिक अवॉर्डही मिळाला होता.
from Marathi Bollywood News, Marathi Cinema News https://ift.tt/2E04cOj
