मुंबई- सुशांतसिंह राजपूतचा मित्र सिद्धार्थ पिठाणी सध्या चर्चेत आहे. जेव्हा सुशांतचा मृत्यू झाला तेव्हा घरी सिद्धार्थ होता. त्या दिवशी नक्की काय झालं हे सिद्धार्थ एवढं कोणालाच माहीत नसेल. तसेच सुशांतचा मृतदेह पाहणारा तो पहिला व्यक्ती होता. १४ जूनला नक्की काय झालं याचा पूर्ण तपशीलवार त्याने यावेळी सांगितला. जेव्हा कळलं सुशांत दरवाजा उघडत नाहीये सुशांतच्या केसमध्ये रियानंतर सर्वच जवळील व्यक्तींचे जबाब नोंदवण्यात येत आहेत. सुशांतसोबत त्याच्या घरी राहणाऱ्या सिद्धार्थने एका वाहिनीला त्या दिवशी काय घडलं याचा लेखाजोखा दिला. सिद्धार्थ सकाळचा चहा घेत असताना त्यांच्या स्वयंपाकी केशवने सुशांतचा दरवाजा ठोठावला. पण त्याने तो उघडला नाही. दुपारच्या जेवणात काय हवं ते विचारण्यासाठी केशव त्याच्या रूममध्ये गेला होता. सिद्धार्थने जेव्हा सुशांतचा दरवाजा ठोठावला पण त्याने आतून कोणतीही प्रतिक्रिया दिली नाही. यानंतर सिद्धार्थने खालच्या फ्लोअरला उतरून दीपेशला सांगितलं की सुशांत दरवाजा उघडत नाहीये. जोर- जोरात वाजवू लागले दरवाजा दोघांनीही संपूर्ण घरात दरवाजाची चावी मिळते का ते शोधलं. यावेळी आम्ही दरवाजा वाजवतच होतो. आम्ही इतक्या जोरात दरवाजा वाजवत होतो की खालपर्यंत आवाज जात होता. अखेर आम्ही चावीवाल्याला बोलावण्याचा निर्णय घेतला. तोपर्यंत मी मीतू दीदीलाही फोन केला होता आणि सुशांत दरवाजा उघडत नसल्याचं सांगितलं होतं. थंड पडलेला सुशांत सिद्धार्थ म्हणाला की, ‘आम्ही चावीवाल्याला बोलावलं आणि दरवाजा उघडल्यानंतर आम्ही त्याला परत पाठवलं. आम्ही त्याला पैसे दिले. मी पहिला व्यक्ती होतो ज्याने सुशांतला या अवस्थेत पाहिलं. ते फारच भीतीदायक होतं. मी लगेच पोलिसांना फोन केला आणि त्याची नस तपासून पाहिली पण तोपर्यंत तो थंड पडला होता. यानंतर ज्या कपड्याला तो लटकला होता तो कपडा मी कापला. दिपेश आणि मी त्याला तिथून उचलून बेडवर झोपवलं तोवह मीतू दीदीही आली होती.’
from Marathi Bollywood News, Marathi Cinema News https://ift.tt/2ECGE1P
