मुंबई- सुशांतसिंह राजूतच्या प्रकरणात दररोज नवनवीन खुलासे होत आहेत. १४ जूनला सुशांतचा मृतदेह त्याच्या घरी सापडला होता. मुंबई पोलिसांनी सुशांतने आत्महत्या केल्याचंं सुरुवातीला सांगितलं होतं. पण सुशांतने आत्महत्या केली नसून त्याला तसं करण्यास प्रवृत्त केल्याचं त्याच्या कुटुंबियांचं म्हणणं आहे. सुशांतच्या वडिलांनी रियासह तिच्या कुटुंबियांविरोधात एफआयआर दाखल केल्यानंतर मुंबई पोलिसांसह बिहार पोलिसांनीही या प्रकरणाचा तपास सुरू केला. सध्या सीबीआय आणि यांच्याकडे या प्रकरणाचा तपास करण्याची जबाबदारी देण्यात आली आहे. याशिवाय रिया चर्कवर्तीच्या याचिकेवरही सर्वोच्च न्यायालयात सुनावणी सुरू आहे. आता या प्रकरणात एक नवीन खुलासा झाला आहे. सुशांतच्या मृत्यूनंतर त्याच्या कंपन्यांचे आयपी अॅड्रेस आणि डोमेनचं नाव वारंवार बदलण्यात आलं आहे. टाइम्स नाऊने प्रसिद्ध केलेल्या वृत्तानुसार सुशांत आणि रियाच्या कंपन्यांचे आयपी अड्रेस आणि डोमेनची नावं जाणीवपूर्वक बदलण्यात आली आहेत. विशेष म्हणजे २३ जूनला पहिला बदल करण्यात आला तर शेवटचा बदल ७ ऑगस्ट रोजी झाला आहे. आतापर्यंत एकूण १८ वेळा हा बदल करण्यात आला आहे. सुशांतच्या मृत्यूनंतर त्याच्या वडिलांनी केके सिंह यांनी रियासह तिच्या कुटुंबियांवर आणि सुशांतच्या एक्स बिझनेस मॅनेजर श्रुती मोदी आणि सुशांतचा मॅनेजर सॅम्युअल मिरांडाविरोधात एफआयआर दाखल केली आहे. सध्या ईडी या प्रत्येकाचीच चौकशी करत आहे तर सीबीआयनेही या सर्व सहाजणांवर एफआयआर दाखल केली आहे. लवकरच सीबीआयचे अधिकारीही सर्वांची चौकशी करणार आहेत. दरम्यान, केसमध्ये रिया चक्रवर्तीच्या अडचणीत वाढ होताना दिसत आहे. ईडीने सुशांतच्या बँक अकाउंटच्या चौकशीत शुक्रवारी रियाची आठ तासांहून अधिक तास चौकशी करण्यात आली. त्या चौकशीत रियाने अधिकाऱ्यांना योग्य पद्धतीने उत्तरं न दिल्यामुळे तिला आज पुन्हा एकदा चौकशीला सामोरं जावं लागलं आहे.
from Marathi Bollywood News, Marathi Cinema News https://ift.tt/2DP6dfM