मुंबई: ड्रग्ज केनक्शन प्रकरणात बॉलिवूडच्या अडचणी वाढताना दिसत असूनसिनेतारकांचे व्यवस्थापन करणारी एजन्सी नारकोटिक्स कंट्रोल ब्युरोच्या (एनसीबी) रडारवर आली आहे. या एजन्सीच्या सीईओंना समन्स बजावण्यात आल्याचं सूत्रांचं म्हणणं आहे. मुख्य म्हणजे, ही एजन्सी अभिनेत्री दीपिका पदुकोणशी संबंधित असून दीपिकाचादेखील या प्रकरणाशी संबंध असल्याचे बोललं जात आहे. त्यामुळं आता दीपिका , आणि यांना एनसीबीने समन्स पाठवल्याची माहिती आहे. हा बॉलिवूडसाठी एक मोठा धक्का असल्याचं म्हटलं जात आहे. अभिनेता सुशांतसिंह राजपूत मृत्यूप्रकरणात त्याची मैत्रीण रिया चक्रवर्ती व तिचा भाऊ शौविक यांचा अमली पदार्थांशी संबंध समोर आला आहे. या पार्श्वभूमीवर एनसीबीनं काही दलालांचीही धरपकड केली आहे. त्यांच्याकडून मिळालेल्या माहितीच्या आधारे एनसीबीनं सिने क्षेत्रातील काही बड्या तारकांवर लक्ष केंद्रित केलं आहे. एनसीबीतील सूत्रांनुसार, जया साह नावाची महिला रिया चक्रवर्तीला अमली पदार्थ पोहोचवत होती, असं दोघींमधील चॅटमधून समोर आले आहे. जयाचा सिनेतारकांचे व्यवस्थापन पाहणाऱ्या या एजन्सीशी संबंध आहे. यामुळंच जयाला एनसीबीनं समन्स बजावले आहे. त्याखेरीज त्या एजन्सीच्या सीईओंनादेखील आज, बुधवारी चौकशीसाठी समन्स बजावण्यात आले आहे. जयासह सुशांतसिंहची माजी व्यवस्थापिका श्रृती मोदी हिलादेखील समन्स बजावण्यात आले आहे. संबंधित एजन्सी अनेक बड्या सिनेतारकांसह दीपिका पदुकोणचेही व्यवस्थापन करते. दीपिका सातत्याने जया व अन्य महिलांशी अमली पदार्थांसंबंधी संपर्कात होती, असा एनसीबीचा संशय आहे. त्यामुळं पूर्ण माहिती घेऊन दीपिकालादेखील चौकशीसाठी समन्स बजावण्यात आले आहेत.
from Marathi Bollywood News, Marathi Cinema News https://ift.tt/3mHKPLs
