मुंबई: बॉलिवूड अभिनेत्री तिच्या रोखठोक बोलण्यासाठी प्रसिद्ध आहे. सिनेसृष्टीतली घराणेशाही, गटबाजी, नव्या कलाकारांवर होणारा अन्याय या गोष्टींविरोधात ती सातत्यानं आवाज उठवत आहे. परंतु, अचानक गेल्या काही दिवसांपासून तिचे कमी होऊ लागले आहेत. एका दिवसात सरासरी ४० ते ५० हजार नेटकरी तिला अनफॉलो करु लागले आहेत. 'माझे फॉलोअर्स गेल्या काही काळात सातत्यानं कमी होत आहेत. यामध्ये एक पॅटर्न असल्याचा संशय मला येतोय. यामागचं कारण मला माहीत नाही. हे असं का होतंय कोणी सांगेल का?' अशा आशयाचं ट्विट कंगनानं केलं आहे. काही दिवसांपूर्वी कंगनाचे फॉलोअर्स वाढत होते. सध्या ती उघडपणे घराणेशाहीला लक्ष्य करत व्यक्त होते आहे. कंगनाचे व्हिडिओ सोशल मीडियावर चांगलेच चर्चेत आहेत. सुशांतसंदर्भातला एक व्हिडिओ शेअर केल्यानंतर काही तासांमध्ये तिचे तब्बल १२ लाख फॉलोअर्स वाढले होते. यापूर्वी तिचे २० लाख फॉलोअर्स होते.त्यानंतर ३२ लाख लोक तिला फॉलो करत होते. दरम्यान, सुशांतसिंह राजपूत याच्या मृत्यूनंतर सिनेइंडस्ट्रीतली घराणेशाही, काही नव्या कलाकारांना काम न देणं या मुद्द्यांवरुन बॉलिवूडमधलं वातावरण तापलं आहे. घराणेशाहीचा मुद्दा तर चर्चेचा केंद्रबिंदू ठरतोय. यात सर्वाधिक लक्ष केलं जात होतं ते निर्माता करण जोहर, अभिनेता , अभिनेत्री , सोनाक्षी सिन्हा आणि सोनम कपूर यांना. नेटकऱ्यांनी संतापून त्यांना कमालीचं ट्रोलही केलं होतं आणि त्यांना सोशल मीडियावर अनफॉलोसुद्धा केलंय. सोशल मीडियावरील घराणेशाहीवरुन होणाऱ्या चर्चेच्या पार्श्वभूमीवर करण जोहरचे १ लाख ८८ हजार फॉलोअर्स कमी झाले होते. तर दुसरीकडं सलमानचेही ५० हजार फॉलोअर्स कमी झाले आहेत.
from Marathi Bollywood News, Marathi Cinema News https://ift.tt/3hNi39r
