मुंबई- सुशांतसिंह राजपूतच्या केसमध्ये ड्रग्ज चॅटच्या प्रकरणात रिया चक्रवर्तीची सलग तिसऱ्या दिवशी नारकोटिक्स कंट्रोल ब्युरोकडून चौकशी करण्यात येत आहे. रविवारी आणि सोमवारी झालेल्या चौकशीत रियाने कोणत्याही प्रकारच्या अमली पदार्थांचं सेवन केलं नसल्याचं ठामपणे सांगितलं. दरम्यान आता हाती आलेल्या माहितीनुसार, रियाची संध्याकाळी ४ वाजता रक्ताची चाचणी करणार आहे. यानंतर तिला अटक केली जाईल असंही म्हटलं जात आहे. बुधवारी शौविक, सॅम्युअल, दिपेश आणि दोन कथित ड्रग्ज डीलर यांना न्यायालयात नेण्यात येईल. यांच्यासोबत रियालाही नेण्याचा एनसीबीचा विचार असल्याची शक्यता आहे. मात्र याबद्दल एनसीबीने कोणतीही माहिती दिली नाही. मी केवळ सुशांतसाठी ड्रग्ज मागवत होते पण कधीही ड्रग्जचं सेवन केलं नसल्याचं रियानं सीबीआय चौकशीत सांगितलं होतं. पण आता एनसीबीच्या चौकशीत मात्र तिनं ड्रग्ज घेतल्याचं कबूल केलं आहे. ड्रग्ज घेतल्याचं मान्य केल्यानंतर सुशांतनंच तिला जबरदस्तीनं ड्रग्ज घेण्यासाठी भाग पाडलं होतं, असं रियानं म्हटलं, असल्याची माहिती आहे. सुशांतच्या कुटुंबियांनी डॉक्टरांविरोधात दाखल केली तक्रार सुशांतसिंह राजपूतच्या कुटुंबीयांनी त्याच्यावर उपचार करणाऱ्या डॉक्टर सुसान वॉकरविरोधात तक्रार दाखल केली आहे. सुशांतने डॉक्टरांचा सल्ला जरी घेतला असला तरी ही गोष्ट फार गोपनिय असते. याचा खुलासा केला जात नाही. डॉक्टरांनी वैद्यकीय तत्त्वांचं उल्लंघन केलं, असा आरोप कुटुंबाने केला आहे. टोळीविरुद्ध जोमानं कारवाई सुरू झाली आहे. या अंमली पदार्थ टोळीची नस तंतोतंत ओळखणाऱ्या मराठी अधिकाऱ्याकडं या कारवाईचे नेतृत्व आहे. यांनी वर्षभरापासून कैलाश राजपूत टोळीचे पंख कापण्यास सुरुवात केली आहे.समीर वानखेडे हे महसूल गुप्तचर संचालनालयाच्या (डीआरआय) मुंबई क्षेत्रीय युनिटमधील सहसंचालक आहेत. रियाचा भाऊ शौविक व सुशांतसिंहचा व्यवस्थापक सॅम्युएलचा अंमली पदार्थांशी संबंध असल्याचे समोर आले आहे. या पार्श्वभूमीवर एनसीबीने मुंबईत विविध ठिकाणी छाप्याची कारवाई सुरू केली आहे. समीर वानखेडे यांनी डीआरआय अंतर्गत या अंमली पदार्थ टोळीवर चांगलाच अंकुश ठेवला आहे. त्यांना टोळीची पूर्ण माहिती असल्याने या कारवाईसाठी वानखेडे यांना खास डीआरआयमधून बोलविण्यात आले आहे. त्याअंतर्गतच धडाकेबाज कारवाई सध्या सुरू आहे.
from Marathi Bollywood News, Marathi Cinema News https://ift.tt/3habRav