मुंबई- रविवारी एनसीबीच्या पथकाने प्रकरणात रिया चक्रवर्तीची चौकशी केली. या चौकशीत अमली पदार्थांबद्दलचे प्रश्न विचारण्यात आले. पण अधिकाऱ्यांना ही चौकशी वेळेआधीच थांबवावी लागली होती. एनसीबीने त्यांच्या प्रश्नांची लांबलचक यादी केली होती. पण सर्व प्रश्न विचारण्याची संधी टीमला मिळाली नाही. म्हणून रियाला सोमवारी परत बोलावण्याचा निर्णय त्यांनी घेतला. पण एनसीबीने वेळेआधी चौकशी का थांबवली असा प्रश्न उपस्थित होतो. याचं मुख्य कारण होतं ते रिया आणि . त्याचं झालं असं की, नारकोटिक्स ब्युरोने जेव्हा रिया आणि शौविकला उलट तपासणीसाठी समोरासमोर बसवलं तेव्हा रिया भावनिक झाली आणि तिचा संयमाचा बांध फुटला. ती ढसाढसा रडू लागली. बहिणीला रडताना पाहून शौविकही भावुक झाला आणि रडू लागला. थोड्यावेळाने दोघंही शांत झाले. पण त्यांच्या या भावनिक उद्रेकामुळे अधिकाऱ्यांना त्यांची चौकशी लवकर संपवावी लागली. आज रियाला पुन्हा शौविकसमोर उभं करण्यात येणार आहे. या दोघांसोबत सॅम्युअल मिरांडा आणि दिपेश सावंत यांनाही उलट तपासणीचे प्रश्न विचारण्यात येणार आहेत. रविवारी एनसीबीने समन्स पाठवल्यावल जवळपास १.३० तास रिया उशिरा पोहोचली होती. मात्र आज ती १ तास लवकर गेली. सिगारेट आणि मद्यपान करत असल्याचं रियाने मान्य केलं यांची एनसीबीकडून अजूनही चौकशी सुरू आहे. रियाने याआधीच्या चौकशीत कोणत्याही प्रकारचा नशा करत नसल्याचं सांगितलं होतं पण आता तिने सिगारेट आणि मद्यपानचं सेवन करत असल्याचं मान्य केलं. असं असलं तरी तिने अमली पदार्थांच्या सेवनाबद्दल विचारले असता स्पष्ट नकार दिला. झैद, शौविक आणि मिरांडाची वैद्यकीय चाचणी एनसीबीने सोमवारी झैद विलात्रा, शौविक चक्रवर्ती आणि सॅम्युअल मिरांडाची वैद्यकीय चाचणी केली. वैद्यकीय चाचणीनंतर तिघांना पुन्हा कार्यालयात नेण्यात आले. जोवर कोठडीत आहेत तोवर दर २४ तासांनी आरोपींची वैद्यकीय चाचणी केली जाईल. १७ सप्टेंबर रोजी होणार वैद्यकीय मंडळाची बैठक सुशांतसिंह राजपूत प्रकरणात विसराचा तपास करणाऱ्या एम्स टीमची वैद्यकीय मंडळाची बैठक १७ सप्टेंबरला होणार आहे. या फॉरेन्सिक पॅनेलमध्ये एकूण सहा डॉक्टर असतील. हे पॅनेल प्रथमच अशा उपकरणांचा वापर करणार आहे ज्याचा वापर अमेरिकन एजन्सी एफबीय करते. या माध्यमातून फॉरेन्सिक टीम सुशांतला कोणता विषारी पदार्थ देण्यात आला की नाही याचा शोध घेण्याचा प्रयत्न करणार आहे.
from Marathi Bollywood News, Marathi Cinema News https://ift.tt/3259y3T