मुंबई- सुशांतसिंह राजपूतच्या मृत्यू प्रकरणात जेव्हापासून नारकोटिक्स कंट्रोल ब्युरोने () उडी घेतली आहे. तेव्हापासून या प्रकरणात नवनवीन खुलासे होत आहे. एनसीबीने अनेक लोकांची चौकशी करून त्यांना अटक केली. रविवारपासून रिया चक्रवर्तीचीही या प्रकरणी चौकशी करण्यात आली. रविवारी साधारणपणे सात तासाच्या चौकशीनंतर एनसीबीच्या टीमने रियाला दुसऱ्या दिवशी सोमवारीही चौकशीसाठी बोलावलं. आता पुन्हा एकदा रियाला उद्याची तारीख देण्यात आली असून मंगळवारीही तिला एनसीबीच्या प्रश्नांना सामोरं जावं लागणार आहे. रियाची होईल तिसर्‍या फेरीसाठीची चौकशी रिपोर्टनुसार प्रकरणात आजची रिया चक्रवर्तीची चौकशी संपवण्यात आली आहे. रियाची पोलीस एस्कॉर्ट गाडी पुन्हा एनसीबीच्या कार्यालयात आली. एनसीबीची चौकशी संपली आणि ब्युरोने रियाला घरी जाण्यास सांगितलं. आज दिवसभरात झालेल्या चौकशीत रियाने अमली पदार्थ स्वतः घेणं, विकत घेणं, हातात घेणं याबद्दस स्पष्ट नकार दिला. नारकोटिक्सलाही रियाला अटक करण्यापूर्वी पक्के पुरावे जमा करायचे आहेत. यावरच तिला न्यायालयात उभं केलं जाऊ शकतं याची त्यांना पूर्ण कल्पना आहे. याचमुळे नारकोटिक्स कंट्रोल ब्यूरो मंगळवारी रिया चक्रवर्तीची पुन्हा एकदा चौकशी करेल. जाणून घ्या आज दिवसभरात काय झालं-रियाने सुशांतला दिले होते ड्रग्जचे हेवी डोस टाइम्स नाऊने प्रसिद्ध केलेल्या वृत्तानुसार, सुशांतच्या मित्राने सांगितलं की रियाच्या अंतर्गत वर्तुळाने सुशांतला ड्रग्जचा हेवी डोस दिला होता. तसेच त्याला हेवी डोस घ्यायला भागही पाडलं होतं. मित्राने असंही सांगितलं की, रियाने सुशांतच्या आयुष्यावर पूर्णपणे नियंत्रण ठेवलं होतं. रियाने घेतली बॉलिवूडमधील बड्या सेलिब्रिटींची नावं एनसीबीच्या चौकशीच्या दुसर्‍या दिवशी रिया चक्रवर्तीने पुन्हा एकदा दावा केला आहे की तिने सुशांतसाठी अमली पदार्थ विकत घेतले होते. पण तिने कधीही त्याचा वापर केला नाही. सुत्रांनी दिलेल्या माहितीनुसार, रिया चक्रवर्तीने चौकशीच्या दुसर्‍या दिवशी बॉलिवूडमधील काही बड्या लोकांची नावं घेतल्याचं समोर आलं आहे. सुमारे १८ ते १९ जणांची नावं रियाने घेतली असल्याचं म्हटलं जात आहे. त्यामुळे आता बॉलिवूड सेलिब्रिटींवरही चौकशीची टांगती तलवार लटकत आहे असं म्हटलं तर चुकीचं ठरणार नाही. सिगारेट आणि मद्यपान करत असल्याचं रियाने मान्य केलं यांची एनसीबीकडून अजूनही चौकशी सुरू आहे. रियाने याआधीच्या चौकशीत कोणत्याही प्रकारचा नशा करत नसल्याचं सांगितलं होतं पण आता तिने सिगारेट आणि मद्यपानचं सेवन करत असल्याचं मान्य केलं. असं असलं तरी तिने अमली पदार्थांच्या सेवनाबद्दल विचारले असता स्पष्ट नकार दिला. १७ सप्टेंबर रोजी होणार वैद्यकीय मंडळाची बैठक सुशांतसिंह राजपूत प्रकरणात विसराचा तपास करणाऱ्या एम्स टीमची वैद्यकीय मंडळाची बैठक १७ सप्टेंबरला होणार आहे. या फॉरेन्सिक पॅनेलमध्ये एकूण सहा डॉक्टर असतील. हे पॅनेल प्रथमच अशा उपकरणांचा वापर करणार आहे ज्याचा वापर अमेरिकन एजन्सी एफबीय करते. या माध्यमातून फॉरेन्सिक टीम सुशांतला कोणता विषारी पदार्थ देण्यात आला की नाही याचा शोध घेण्याचा प्रयत्न करणार आहे. झैद, शौविक आणि मिरांडाची वैद्यकीय चाचणी एनसीबीने सोमवारी झैद विलात्रा, शौविक चक्रवर्ती आणि सॅम्युअल मिरांडाची वैद्यकीय चाचणी केली. वैद्यकीय चाचणीनंतर तिघांना पुन्हा कार्यालयात नेण्यात आले. जोवर कोठडीत आहेत तोवर दर २४ तासांनी आरोपींची वैद्यकीय चाचणी केली जाईल.
from Marathi Bollywood News, Marathi Cinema News https://ift.tt/3h8LilK