आता काही बबड्याची खैर नाही; मालवणी आजींचा व्हिडिओ तुफान व्हायरल

मुंबई: ''मधील सोहमची म्हणजेच बबड्याची सोशल मीडियावर सुरू असलेली चर्चा काही थांबायचं नाव घेत नाही. एखादा भाग दाखवून चार-पाच दिवस झाले असले, तरी त्यावरुन व्हायरल होणाऱ्या मिम्सची संख्या वाढतेच आहे. मिम्ससोबतच सध्या एका आजींचा व्हिडिओ सोशल मीडियावर व्हायरल झाला आहे. मालिकेतल्या बबड्याला, म्हणजेच सोहमला पाहून सध्या अनेकांच्या तळपायाची आग मस्तकात जातेय. प्रेक्षकांच्या येणाऱ्या संतप्त प्रतिक्रिया येत आहेत. एका आजी बाईंचा व्हिडिओ सध्या चर्चेत आहे. त्यांनी बबड्याची चांगलीच शाळा घेतली आहे. मालवणी भाषेत आजी बबड्याबद्दलचा राग व्यक्त करत आहेत. फारच डँबिस आहे, त्याला घरातून चालता हो म्हणावं असं आजी म्हणतायत. व्हिडिओतल्या आजींचं नाव असून आशुतोषच्या चाहत्यांनीही या आजींच्या व्हिडिओवर प्रतिक्रिया दिल्या आहेत. पाहा व्हिडिओ: बबड्या काय म्हणतो? नुकतंच आमच्या मालिकेला एक वर्ष पूर्ण झालं. प्रेक्षकांचा चांगला प्रतिसाद, आमच्यावरील प्रेम, प्रेक्षकांकडून आमच्या भूमिकांना वेळोवेळी मिळालेली दाद या सर्वांमुळे खूप छान वाटतं. मला जेव्हा या भूमिकेसाठी विचारणा झाली, तेव्हा सोहम हे काहीसं ग्रे शेड (नकारात्मक) असलेलं पात्र असल्यामुळे सुरुवातीला मी जरासा गोंधळलो होतो. पण, एक कलाकार म्हणून मी हे आव्हान स्वीकारलं. लगेचच या भूमिकेसाठी होकार दिला. हा बबड्या प्रत्येकाच्या घराघरात आणि मिम्सपर्यंतसुद्धा पोहोचला आहे. पुढील भागांत 'बबड्या काय नवीन करणार' याची उत्सुकता जितकी प्रेक्षकांना असते, तितकीच मला देखील असते. त्यामुळे स्क्रिप्ट हातात पडली रे पडली, की अतिशय उत्सुकतेनं मी ती पहातो. कधी-कधी तर 'अरे, काय हा मुलगा आहे' असं माझंदेखील होतं. ही एक भूमिका आहे आणि ती ताकदीनं प्रेक्षकांपर्यंत पोहोचवायची आहे, हे ध्यानात ठेवून मी ती भूमिका वठवतो. प्रेक्षकांचा प्रतिसाद आणि बबड्यावर येणारे मिम्स पाहून खूपच भारी वाटतं. माझे कुटुंबीयसुद्धा माझ्या भूमिकेला नेहमी पोचपावती देतात. बऱ्याचदा चित्रीकरण संपवून मी घरी पोहोचतो, तोपर्यंत टीव्हीवर मालिकेचा त्या दिवसाचा एपिसोड दाखवून झालेला असतो. घरी पोहोचलो की दरवाजा उघडतानाच आई माझ्याकडे रागानं पाहते. आईच्या डोळ्यांतील राग पाहिल्यावर मला त्या दिवशीच्या भागात बबड्यानं केलेली गोष्ट आठवते. त्या एपिसोडमधलं माझं काम योग्य प्रकारे प्रेक्षकांपर्यंत पोहोचल्याची माझी खात्री पटते.

from Marathi Bollywood News, Marathi Cinema News https://ift.tt/3jsT63f