मुंबई- आणि जेनेलिया डिसूझा हे असं जोडपे आहे, ज्यांचं कधीच कुणाशीही भांडण झालं नाही किंवा त्यांचं दुसऱ्याशी अफेअर असल्याच्या अफवाही कधी उठल्या नाहीत. यामुळेच आयडीअल कपल म्हणून त्यांच्याकडे नेहमीच पाहिलं जातं. पण असं जरी असलं तरी या दोघांमध्ये असे काही क्षण येतात जिथे मेल इगो डोकं वर काढतो. स्वतः रितेश देशमुखने यासंबंधित एक किस्सा सांगितला होता. एका कार्यक्रमात जेनेलियाचा नवरा म्हणून हाक मारल्याने राग आल्याचं रितेशने मान्य केलं होतं. सोशल मीडियावर व्हायरल झालेल्या एका व्हिडिओमध्ये रितेश सांगताना दिसतो की, एकदा बंगळुरुमध्ये सेलिब्रिटी क्रिकेटचा सामना सुरू होता. त्यावेळी दोन चाहते एकमेकांसोबत बोलत होते. यानंतर रितेशकडे पाहून त्यांनी विचारलं की, 'तुम्ही जेनेलियाचे पती का?' पत्नीच्या नावाने आपली ओळख असल्याचं जाणवल्याने रितेशचा पुरुषी अहंकार दुखावला गेला. यानंतर त्या चाहत्यांना उत्तर देताना रितेश म्हणाला की, बंगळुरूमध्ये मी 'जेनेलियाचा नवरा' आहे पण महाराष्ट्रात ती रितेशची पत्नी म्हणून ओळखली जाते. रितेशच्या या उत्तरानंतर चाहत्यांना त्याला सर्व राज्यांची नावं मोजून दाखवली जिथे रितेशपेक्षा जास्त जेनेलियाची ख्याती आहे. रितेशचा मजेशीर असा हा किस्सा ऐकल्यानंतर तिथे उपस्थित सारेच जोरजोरात हसू लागले. सिनेविश्वातील लई भारी जोडी म्हणून अभिनेता आणि देशमुख ओळखली जाते. सोशल मीडियावर या दोघांविषयी कायमच चर्चा रंगत असल्याचं पाहायला मिळतं. रितेशशी लग्न झाल्यापासून जेनेलियाचा अभियन क्षेत्रातील वावर कमी झाला आहे. लग्नानंतर तिनं फार कमी चित्रपटांमध्ये काम केलं. मात्र, आता पुन्हा एकदा जेनेलियाला मोठा पडदा खुणावत असून, तिनं चित्रपटांमध्ये कमबॅक करण्याविषयी विचार सुरू केल्याचं सांगण्यात येत आहे. एका मुलाखतीत तिनं चित्रपटात काम करण्याची इच्छादेखील व्यक्त केली आहे.
from Marathi Bollywood News, Marathi Cinema News https://ift.tt/35llhvL
