मुंबई- काही महिन्यांपूर्वी यांचं हृदयविकाराच्या झटक्याने निधन झालं. ३९ वर्षीय चिरंजीवीची पत्ननी त्याच्या मृत्यूच्यावेळी चार महिन्यांची गरोदर होती. काही दिवसांपूर्वी राजेशाही थाटात आणि अनोख्या पद्धतीने तिचं डोहाळे जेवण पार पडलं. या कार्यक्रमाचे अनेक फोटो आणि व्हिडिओ सोशल मीडियावर व्हायरल झाले होते. दरम्यान चिरंजीवीचा भाऊ आणि अभिनेता ध्रुव सर्जाने नुकतच चिरंजीवीच्या बाळासाठी एक चांदीचा पाळणा विकत घेतला. या सुंदर पाळण्याच्या किंमतीची सध्या सोशल मीडियावर चर्चा आहे. ध्रुवचा चांदीच्या पाळण्यासोबतचा फोटोही व्हायरल होत आहे. या फोटोत ध्रुव चांदीच्या पाळण्यासोबत खास पोज देताना दिसत आहे. असं म्हटलं जातं की या पाळणाची किंमत जवळपास १० लाख रुपये आहे. मीडिया रिपोर्टनुसार मेघना राज नऊ महिन्यांची गरोदर असून ती कोणत्याही वेळी बाळाला जन्म देऊ शकते. चिरंजीवी यांचं निधन झालं तेव्हा मेघना चार महिन्यांची गरोदर होती. चिरंजीवी सर्जीचं यावर्षी ७ जून रोजी निधन झालं. या कठीण काळात ध्रुव आपल्या भावाच्या कुटुंबासोबत ठामपणे उभा राहिला. अलीकडेच, त्याने भावाच्या बाळासाठी राजेशाही थाटात बेबी शॉवरचा कार्यक्रम ठेवला होता. या कार्यक्रमाला जवळच्या कुटुंबियांसोबत मित्र- मैत्रिणींनीही हजेरी लावली होती. ध्रुवने वहिनी मेघनाच्या बेबी शॉवर कार्यक्रमाचा व्हिडिओ इन्स्टाग्रामवरही शेअर केला होता.
from Marathi Bollywood News, Marathi Cinema News https://ift.tt/2INm94F
