मुंबई- यांनी सलीम खान यांच्याशी १९८० मध्ये लग्न केलं. त्यावेळी सलीम आधीपासूनच सलमा खान यांच्याशी विवाहबद्ध होते आणि त्यांना सलमान, अरबाज, सोहेल आणि अलवीरा अशी चार मुलं होती. ६० ते ७० च्या दशकात हेलन सिनेमांमध्ये दिसल्या होत्या. त्यावेळी लोक हेलन यांना पाहण्यासाठी म्हणून सिनेमा पाहायचे. हेलन यांच्या डान्सचे तर कित्येकजण वेडे होते. त्यांच्यावर जीव ओतून टाकणारे अनेक तरूण असताना त्या विवाहित सलीम खान यांच्या प्रेमात पडल्या. हेलन यांच्या आयुष्याबद्दल लोकांना असते उत्सुकता हेलन यांच्या लव्ह लाइफ आणि कामाबद्दल अनेकांना उत्सुकता असते. सलीम खानच्या मुलांनी आता हेलन यांना आईचा दर्जा दिला आहे. एवढंच नाही तर सलमा खान आणि हेलन यांचीही चांगली मैत्री आहे. पण सुरुवातीला असं काही नव्हतं. एका जुन्या मुलाखतीत हेलन यांनी सांगितलं होतं की सुरुवातीला विवाहित सलीम यांच्याशी लग्न केल्याबद्दल त्यांना सतत दोषी असल्यासारखं वाटायचं. सलीम खानने हेलनचा कधीही फायदा घेतला नव्हता पिंकविलाने प्रसिद्ध केलेल्या वृत्तानुसार हेलन यांनी त्यांच्या लग्नाबद्दल सांगताना म्हटलं की, सलीम विवाहित होता. याचा मला त्रासही झाला. सुरुवातीला खूप दोषी वाटायचे. सलीममध्ये एक अशी गोष्ट होती जी त्यांना इतरांपासून वेगळी करायची ती म्हणजे सलीम यांनी कोणताही फायदा न बघता माझी मदत केली. मी त्यांचा नेहमीच आदर करायचे. या रिपोर्टमध्ये सलीम खान यांनीही दोघांचं प्रेमात पडण्याचं कारण काय होतं हे देखील सांगितलं. ते म्हणाले की कोणती विशिष्ट तारखी सांगू शकत नाही पण बरेच दिवस हेलनसोबत राहिल्यानंतर आम्ही दोघांनीही आपल्या नात्याला नाव देण्याचा निर्णय घेतला. सलीम खान यांनी हिंदी सिनेसृष्टीत हेलन यांना काम मिळवून देण्यासाठी फार मदत केली. याशिवाय ते हेलन यांना नेहमीच पाठिंबा द्यायचे. सलमा खान यांना घरात दुसरी स्त्री आणण्यास स्पष्ट नकार दिला सलीम खान यांनी पुढे स्पष्ट केलं की, सुरुवातीला त्यांच्या मुलांनी हेलन आणि त्यांच्या दुसऱ्या लग्नाला स्पष्ट नकार दिला होता. अगदी प्रामाणिकपणे सांगायचं तर असं काही झालं नाही की सलमाने आनंदाने या नात्याचा स्वीकार केला आणि माझे आभार मानत या कामासाठी मला ऑस्कर मिळाला असं म्हटलं. सलमाच नाही तर त्यावेळी मुलांनीही दुसऱ्या लग्नाला विरोध केला. सुरुवातीला सलमाला हेलनला सहल करणं अशक्यच झालं होतं. मात्र हळूहळू सलीम खान यांनी सर्वांना पटवून दिलं की हेलन घर फोडण्यासाठी घरात आलेली नाही. आता कुटुंब सलमाप्रमाणेच हेलन यांचाही करतं सन्मान सलीम खान यांच्या कुटुंबाकडे आता एक उदार कुटुंब म्हणून पाहिलं जातं. सलमान खान आणि त्याच्या इतर भावडांकडून आई सलमा खानप्रमाणेच हेलन यांचाही आदर केला जातो. सलमा आणि हेलन यांचे एकत्र अनेक फोटोही सोशल मीडियावर सतत येत असतात.
from Marathi Bollywood News, Marathi Cinema News https://ift.tt/3dKIeMz
