मुंबई- अभिनेत्री प्रीती झिंटा सध्या दुबईत आहे. तिथे राहून ती तिच्या या आयपीएल टीमला पाठिंबा देत आहे. करोनाच्या प्रादुर्भावामुळे यंदाचा आयपीएलचा हंगाम दुबईमध्ये प्रेक्षकांशिवायच पार पडतो आहे. करोनाचा संसर्ग होऊ नये म्हणून आयपीएलशी जोडले गेलेले सर्वच लोक अनेक गोष्टींची काळजी घेत आहेत. प्रीतीसुद्धा सर्व प्रकारे काळजी घेत असून, ती वेळोवेळी स्वत:ची करोना चाचणी करून घेत आहे. प्रीतीनं आतापर्यंत तब्बल वीस वेळा करोना चाचणी करून घेतली आहे आणि त्या सर्व चाचण्यांचे अहवाल सुदैवानं नकारात्मक आलेले आहेत. तिने नुकतीच विसावी करोना चाचणी केली आहे. प्रीतीनं तिच्या इन्स्टाग्राम अकाऊंटवर एक व्हिडीओ पोस्ट केला आहे. त्यात तिनं करोना चाचण्यांबद्दल माहिती दिली आहे. प्रीतीने सांगितलं काय असतं बायो बबलमध्ये राहणं प्रीती झिंटाने इन्स्टाग्रामवर व्हिडिओ शेअर करत बायो बबलमध्ये राहण्याचा अनुभव कसा असतो याबद्दल सांगितलं. प्रीतीने लिहिले की, 'आयपीएल टीम बायो बबलमध्ये असणं म्हणजे काय असा प्रश्न मला प्रत्येकजण विचारत असतं. हे सहा दिवसांच्या विलगीकरणापासून सुरू होतं. दर तीन ते चार दिवसांनी कोविड टेस्ट केली जाते. तुम्ही कुठेही बाहेर जाऊ शकत नाही. स्वतःची रूम, किंग्ज इलेव्हन पंजाबची जीम, रेस्तराँ यांमध्येच जायला परवानगी आहे. स्टेडिअममध्येही स्वतःच्या कारनेच जायचं असतं.' बाहेरचं खाणं खाऊ शकत नाही, कोणाशी बोलूही शकत नाही प्रीती म्हणाली की, ड्रायव्हर, शेफ ही माणसंही बायो बबलमध्ये आहेत. तसेच क्वारन्टीनमध्ये बाहेरचं खाणं आणि इतर कोणाशीही तुम्हाला बोलता येत नाही. जर तुम्हाला माझ्यासारखं फिरायला आवडत असेल तर तुमच्यासाठी थोडं अवघड जाईल. पण २०२० मध्ये तुम्हाला याचंही कौतुक केलं पाहिजे. बायो बबल करोनाचा संसर्ग रोखण्यासाठी करण्यात आलेली व्यवस्था आहे सोप्या भाषेत सांगायचं झालं तर बायो बबल ही एक सुरक्षित व्यवस्था आहे, ज्याने करोनाचा संसर्ग रोखण्यासाठी मदत मिळते. यात असणाऱ्या व्यक्तींना जगापासून वेगळं केलं जातं. तसंच बायो बबलमध्ये क्रिकेटपटू किंवा त्यांचा सपोर्टिंग स्टाफच जाऊ शकतात. त्याचेही करोनाच्या वेळोवेळी चाचण्या होत असतात.
from Marathi Bollywood News, Marathi Cinema News https://ift.tt/3dP7TDW
