मुंबई: दाक्षिणात्य सिनेसृष्टीतील दिवंगत अभिनेता याच्या पत्नीनं एका गोंडस मुलाला जन्म दिला आहे. काही महिन्यांपूर्वी चिरंजीवी सर्जा यांचं हृदयविकाराच्या झटक्यानं निधन झालं. ३९ वर्षीय चिरंजीवीची पत्ननी त्याच्या मृत्यूच्यावेळी चार महिन्यांची गरोदर होती. काही दिवसांपूर्वी राजेशाही थाटात आणि अनोख्या पद्धतीने तिचं डोहाळे जेवण पार पडलं. या कार्यक्रमाचे अनेक फोटो आणि व्हिडिओ सोशल मीडियावर व्हायरल झाले होते. मुलाच्या रुपानं चिरंजीवी परतला असल्याची भावना त्याच्या चाहत्यांकडून व्यक्त केली जात आहे. चिरंजीवीच्या निधनाचं दु:ख होतंच. पण घरात येणाऱ्या नव्या पाहुण्याचं स्वागत त्याच्या कुटुंबियांनी हसत हसत केलं. मेघनाचं डोहाळे जेवणाचा देखील छान सोहळा आयोजित करण्यात आला होता. ज्यूनिअर चिरंजीवीचे म्हणजेच मेघना आणि चिरंजीवीच्या बाळाचे फोटो सध्या सोशल मीडियावर व्हायरल झाले आहेत.चिरंजीवीचा चुलत भाऊ सुरज यानं लहान बाळाचे फोटो शेअर केले आहेत. या फोटोंमध्ये चिरंजीवीच्या फोटोच्या जवळ चिमुकल्याचा फोटो काढला असल्याचं दिसून येत आहे. चांदीचा पाळणादरम्यान चिरंजीवीचा भाऊ आणि अभिनेता ध्रुव सर्जा यानं नुकताच चिरंजीवीच्या बाळासाठी एक चांदीचा पाळणा विकत घेतला आहे. या सुंदर पाळण्याच्या किंमतीची सध्या सोशल मीडियावर चर्चा आहे. ध्रुवचा चांदीच्या पाळण्यासोबतचा फोटोही व्हायरल होत आहे. या फोटोत ध्रुव चांदीच्या पाळण्यासोबत खास पोज देताना दिसत आहे. असं म्हटलं जातं की या पाळणाची किंमत जवळपास १० लाख रुपये आहे.
from Marathi Bollywood News, Marathi Cinema News https://ift.tt/3m4dzNo
