मुंबई: अनेक दाक्षिणात्य चित्रपटांचे हिंदी झाले आहेत. त्यात आता अभिनेता याच्या '' या चित्रपटाची भर पडणार आहे. यापूर्वी शाहिदनं 'अर्जुन रेड्डी'च्या हिंदी रिमेकमध्ये काम केलं आहे. शाहिद कपूरनं त्याच्या आगामी 'जर्सी' या चित्रपटाचं उत्तराखंडमधील चित्रीकरण नुकतंच पूर्ण केलंय. एक ट्विट करत स्वतः त्यानं ही माहिती दिली. उत्तराखंड सरकारनं केलेल्या सहकार्याबद्दल त्यांचे आभारही त्यानं मानले आहेत.'उत्तराखंड सरकारनं विविध ठिकाणी चित्रीकरण करण्यासाठी परवानगी दिली. सुरक्षित वातावरणात चित्रीकरण करता यावं, यासाठी मदत केली, म्हणून मी त्यांचे मनापासून आभार मानतो', असं ट्विट शाहिदनं केलं आहे. 'जर्सी'चं सुरुवातीचं चित्रीकरण गेल्या वर्षी डिसेंबर महिन्यात चंदिगडला झालं होतं. 'जर्सी' हा एका तेलुगू चित्रपटाचा रिमेक आहे. गौतम तिन्नौरी यांच्या तेलुगू चित्रपटाला प्रेक्षकांची आणि समीक्षकांची पसंती मिळाली आहे. 'जर्सी'च्या रिमेकमध्ये शाहीद आणि पंकज कपूर एकत्र काम करत आहेत. यापूर्वी कपूर पिता-पुत्रांनी विकास बहलच्या 'शानदार'मध्ये एकत्र काम केलं होतं. 'जर्सी' या चित्रपटाची कथा 'अर्जुन' नावाच्या तीस वर्षीय व्यक्तीभोवती फिरते. त्याचा मुलगा त्याच्याकडे भारतीय क्रिकेट संघाची जर्सी भेट म्हणून मागतो. अर्जुन स्वत: एक अपयशी क्रिकेट खेळाडू असतो. आपल्या मुलाची इच्छा पूर्ण करण्यासाठी तो क्रिकेटमध्ये पुनरागमन करण्याचा निर्णय घेतो. आपल्या वयाचा अडथळा दूर करत तो आपल्या मुलाचं स्वप्न कसा पूर्ण करतो, हे या चित्रपटात दाखवण्यात आलं आहे.
from Marathi Bollywood News, Marathi Cinema News https://ift.tt/3jlkEXZ
