मुंबई- बॉलिवूडचं ज्या सणाशी फार जवळचं नातं आहे तो म्हणजे करवा चौथ. अनेक सिनेमांमध्येही करवाचौथचा उत्सव थाटामाटात दाखवला जातो. अभिनेत्री बिपाशा बासूनेही तिच्या खऱ्या आयुष्यातला करवाचौथशी निगडीत एक प्रसंग इन्स्टाग्रामवर शेअर केला. यात ती पती करणसिंग ग्रोवरला रस्त्यावर उभं राहूनच आरती ओवाळताना दिसत आहे. बिपाशा बासूला आजच्या खास दिवशी गेल्या वर्षीच्या या प्रसंगाची आठवण शेअर केली. तिने पती करणसाठी करवाचौथचा उपवास केला होता. गेल्यावर्षी तिने हा व्हिडिओ इन्स्टाग्रामवर शेअर केला होता. यात ती नवरा करणला ओवाळताना दिसत आहे. हा व्हिडिओ शेअर करताना बिपाशाने लिहिले की, करवाचौथची पूजा झाल्यानंतर आम्हाला लगेच एका कौटुंबिक कार्यक्रमाला जायचं होतं. याचमुळे आम्ही कार्यक्रमाला जाताना चंद्र दिसल्यावर रस्त्याच्या बाजूला गाडी थांबवली आणि पूजा पूर्ण केली. विशेष म्हणजे या दिवशी बिपाशासोबत करणही उपवास करतो. या पोस्टद्वारे बिपाशाने करणसाठीचं प्रेमही व्यक्त केलं. ३० एप्रिल २०१६ रोजी बिपाशा आणि करण लग्न बंधनात अडकले. २०१५ रोजी अलोन सिनेमाच्या चित्रीकरणावेळी दोघांची भेट झाली. याचवेळी ते एकमेकांना डेट करायला लागले. दोघांच्या रिलेशनशिपविषयी अनेक चर्चा सुरू होत्या. त्यानंतर काही महिन्यांनी दोघांनी चर्चांना पूर्णविराम देत लग्न करणार असल्याचं सांगितलं होतं.
from Marathi Bollywood News, Marathi Cinema News https://ift.tt/2HTzGI3