मुंबई- मालिकेतील लोकप्रिय अभिनेत्री दिव्या भटनागरची प्रकृती चिंताजनक असून तिला व्हेंटिलेटरवर ठेवण्यात आलं आहे. काही दिवसांपूर्वी दिव्या करोना पॉझिटिव्ह आल्याचं समोर आलं होतं. यानंतर गोरेगाव येथील एसआरव्ही रुग्णालयात तिच्यावर उपचार सुरू करण्यात आले. मुलीच्या काळजीने दिव्याच्या आईचं रडणं थांबत नाहीए. दिव्या भटनागरच्या शरीरातील ऑक्सिजनची पातळी ७१ वर गेली होती. व्हेंटिलेटरवर , आईने सांगितली कशी बिघडली तब्येत ईटाइम्सशी बोलताना दिव्याच्या आईने सांगितलं की, 'गेल्या काही दिवसांपासून दिव्याला सहा दिवसांपासून ताप आला होता आणि तिला सारखं अस्वस्थ वाटायचं. मी दिल्लीवरून जेव्हा मुंबईत आले तेव्हा घरी ऑक्सिमीटर घेऊन आले. तिच्या शरीरातील ऑक्सिजनची पातळी तपासली तेव्हा ती ७१ पर्यंत गेली होती. सध्या ती व्हेंटिलेटरवर असून आता ऑक्सिजनची पातळी ८४ आहे. तिची प्रकृती अत्यंत नाजूक आहे. नुकत्याच आलेल्या रिपोर्टनुसार, ती करोना पॉझिटिव्ह आहे.' नवऱ्याने सोडली दिव्याची साथ, पाहायलाही आला नाही जेव्हा दिव्याच्या आईला तिचा नवरा गगन कुठे आहे विचारलं तेव्हा ती म्हणाली की, तुम्हाला कोणी काही सांगितलं असलं तरी आता वेळच सर्व काही सांगत आहे. तिच्या नवऱ्याने तिची फसवणूक केली. तो दिव्याला सोडून गेला. एवढंच नाही तर त्याने दिव्याला भेटायला येण्याचीही तसदी घेतली नाही. मला आश्चर्य वाटलं की लग्नानंतर ती ओशिवरामध्ये एका छोट्याशा ठिकाणी राहत होती. लग्नाआधी ती मीरा रोडमध्ये एका मोठ्या घरात राहत होती. गेल्या काही महिन्यांमध्ये तिने खूप काही सहन केलं आहे.' दिव्याने २०१९ मध्ये घरच्यांचा विरोधात गगनशी लग्न केलं होतं. शशी-सुमित प्रॉडक्शन हाऊस करतंय कुटुंबाला आर्थिक मदत दिव्याचा नवरा गगन हा देखील सिनेसृष्टीशी निगडीत आहे. त्याचं स्वतःचं प्रोडक्शन हाउसही आहे. ईटाइम्सच्या अहवालानुसार शशी-सुमित प्रॉडक्शन हाऊस सध्या दिव्याच्या कुटुंबियांना आर्थिक मदत करत आहेत. दिव्या त्यांचा 'तेरा यार हूं मैं' शो करत होती. या शो व्यतिरिक्त दिव्या भटनागरने 'ये रिश्ता क्या कहलाता है', 'जीत गई तो पिया मोरे' आणि 'उड़ान' या मालिकांमध्येही काम केलं आहे.
from Marathi Bollywood News, Marathi Cinema News https://ift.tt/2JpiCd9
