दोन बोटांवर करायचा पुश- अप, डोकेदुखीच्या गोळीने झालं निधन

मुंबई- मार्शल आर्ट्सचा बादशहा म्हणून ओळखल्या जाणार्‍या याचा जन्म १९४० मध्ये चीनच्या सॅन फ्रान्सिस्को येथील चायना- टाउनमध्ये झाला होता. ब्रुस ली याला त्याच्या अ‍ॅक्शनपट आणि मार्शल आर्टसाठी ओळखायचे. मार्शल आर्टिस्ट ब्रुस लीने फक्त सात हॉलिवूड सिनेमे केले. यातील तीन सिनेमे त्याच्या मृत्यूच्या नंतर प्रदर्शित करण्यात आले. पण आजही त्याच्या सिनेमांची क्रेझ कमी झालेली नाही. त्याच्या मृत्यूच्या इतक्या वर्षांनंतरही त्याला कोणीही विसरलेलं नाही. विशेष म्हणजे जग त्याला फक्त ओळखतं असंच नाही तर आजही त्याची कमतरता अनेकांना जाणवते. ब्रुस लीच्या वाढदिवसाला त्याच्याशी निगडीत काही रंजक गोष्टी जाणून घेऊ... - २७ नोव्हेंबर १९४० रोजी जन्मलेल्या ब्रुस लीने आपल्या करिअरची सुरुवात तरुण वयात केली आणि वयाच्या ३२ व्या वर्षी जगाचा निरोप घेतला. ब्रूस लीने १८ वर्षांचा होईपर्यंत जवळपास २० सिनेमांत काम केलं होतं. - वयाच्या १८ व्या वर्षी त्याने वॉशिंग्टन विद्यापीठात प्रवेश घेतला आणि फी भरण्यासाठी कुंग फू शिकवायला सुरुवात केली. १९६२ मध्ये, ब्रुस लीने एका फाइटमध्ये विरोधकाला फक्त ११ सेकंदात १५ पंच मारले होते. - लीने त्याच्या चित्रपटांमध्ये बर्‍याच मार्शल कलाकारांसोबत काम केले, जे नंतर सुपरस्टार झाले. या यादीमध्ये जॅकी चॅन, Yuen Biao, Sammo Hung, Chuck Norris यांचा समावेश आहे. ब्रुस ली गामा पेहलवान आणि बॉक्सर मोहम्मद अली यांचाही मोठा चाहता होता. - ली इतका वेगवान होता की तीन फूटवरून हल्ला करायला त्याला फक्त ०.०५ सेकंद लागायचे. एवढंच नाही तर तो दोन बोटांनी पुश-अपदेखील करायचा. ब्रुस लीचे डोळे कमकूवत होते. कॉन्टॅक्ट लेन्सेस वापरणारा तो जगातील पहिला व्यक्ती होता. पण नंतर त्याने अडचणींमुळे ते काढून टाकले. - ब्रुस लीने वंग चुनला आपल्या कलेचा आधार बनवलं. १९५९ मध्ये त्याने सुरू केलेल्या मार्शल आर्ट शाळेत तो 'जन फैन गंग फू' (ब्रूस लीचं कुंग-फू) शिकवायचा. ब्रूस ली स्टीलच्या कोकाकोलाच्या डब्यात एका फटक्यात भोक बनवायचा. - ब्रूस लीच्या सिनेमांपैकी The Good And The Obvious, The Big Boss, Fist Of Fury, Way Of Dragon, Enter The Dragon अशा बऱ्याच प्रसिद्ध सिनेमांचा समावेश आहे. एवढंच नाही तर हॉलिवूड हॉल ऑफ फेममध्ये 'ब्रुस ली'चा फोटो आहे. - ब्रुस लीच्या जीवनातील सर्वात दुःखद क्षण म्हणजे त्याचा मृत्यू. ब्रुस ली याचं वयाच्या ३२ व्या वर्षी निधन झालं. तो खूप निरोगी आणि तंदुरुस्त होता. तो त्याच्या क्षेत्रात सर्वोच्च स्थानावर होता. एका एलर्जिक रिअॅक्शनमुळे त्याचा मृत्यू झाला. मृत्यूच्या दिवशी तो एका सहकार्याच्या अपार्टमेन्टमध्ये होता. ते एका नवीन सिनेमावर काम करत होते. अचानक त्याला डोकेदुखी जाणवायला लागली. यासाठी त्याने डोकेदुखीची गोळी घेतली. त्याच्या मेंदूला सूज आली होती. तो काही वेळेसाठी झोपला तो नंतर कधी उठलाच नाही.

from Marathi Bollywood News, Marathi Cinema News https://ift.tt/3l8GajD