मुंबई :महानायक यांच्याबरोबर काम करणं हे कोणत्याही स्तरावरील कलाकारासाठी स्वप्न असतं. सध्या तर त्यांच्याबरोबर भूमिकांचे वेगवेगळे प्रयोग करून पाहण्यासाठी अनेक जण उत्सुक आहेत. २०१६ साली प्रदर्शित झालेल्या 'शिवाय' या चित्रपटानंतर अभिनेता अजय देवगणनं दिग्दर्शन केलेलं नाही. पण, आता दिग्दर्शक म्हणून त्याच्या तिसऱ्या चित्रपटाची तयारी त्यानं सुरू केली आहे. या चित्रपटात बिग बी झळकणार असून, तो पहिल्यांदा बच्चन यांना दिग्दर्शित करणार असल्याचं कळतंय. साक्षात अमिताभ बच्चन यांना दिग्दर्शित करण्यासाठी तो स्वत: खूप उत्सुक आहे. अजयनं याआधी 'मेजरसाब', 'खाकी' आणि प्रकाश झा यांच्या 'सत्याग्रह' या चित्रपटांतून बिग बींबरोबर एकत्र काम केलं आहे. अभिनेते म्हणून एकत्र काम केलं असलं, तरी दिग्दर्शक म्हणून त्यांच्याबरोबर काम करण्याचा त्याचा हा पहिलाच अनुभव असणार आहे. '' असं या आगामी चित्रपटाचं शीर्षक असून, अजय स्वत: या चित्रपटात वैमानिकाची भूमिका साकारणार आहे. या आगामी थरारपटात अमिताभ यांची भूमिका विशेष असणार आहे. ती नेमकी काय असणार, याबाबत गुप्तता पाळण्यात आली आहे. सध्या तरी चित्रपटासाठी इतर कलाकारांच्या निवडीची प्रक्रिया सुरू असल्याचं समजतंय. अमिताभ बच्चन सध्या ''च्या चित्रीकरणात व्यग्र आहेत. त्यांचं हे चित्रीकरण पूर्ण झाल्यानंतर अजयच्या चित्रपटाच्या कामाला सुरुवात होईल, असं सांगितलं जातं. अजयही सध्या 'भुज - द प्राईड' या त्याच्या आगामी चित्रपटाचं उरलेलं काम संपवण्याच्या मागे आहे. 'डिस्ने हॉटस्टार'वर 'भुज - द प्राईड' हा चित्रपट प्रदर्शित होणार असला, तरी अद्याप त्याच्या प्रदर्शनाची तारीख जाहीर करण्यात आलेली नाही. हा चित्रपट संपवून डिसेंबरमध्ये हैदराबादमध्ये 'मेडे'चं चित्रीकरण सुरू होईल, अशी चर्चा आहे. खुद्द बिग बींनाही दिग्दर्शक अजयबरोबर काम करण्याची उत्सुकता आहे.
from Marathi Bollywood News, Marathi Cinema News https://ift.tt/2Iib1x3
