रामेश्वर जगदाळे मुंबई- आजच्या तरुणांना भावणाऱ्या आणि आपल्या कलेमधून नेहमी नवनवीन प्रयोग करणारा संगीतकार समीर सप्तीस्कर आणि अभिनेता या दोन कलाकारांनी मिळून दिवाळीच्या निमित्तानं '' हे गाणं तयार केलं. युट्यूबवर त्याला लोकांचा चांगला प्रतिसाद मिळतो आहे. 'दिवाळीच्या सणाला एकमेकांविषयी प्रेम व्यक्त होतं. अगदी प्रेमानं दिवाळी साजरी केली जाते. अशा या आनंदमयी वातावरणात आम्हाला हे गाणं आणायचं होतं. सध्या अनेक प्रकारची प्रेमाची गाणी आपल्याला आजुबाजूला वाजताना दिसतात. पण, आरतीचे बोल वापरून एक लव्ह साँग करणं हे थोडं नवीन होतं आणि आम्ही ते करायचं ठरवलं', असं या गाण्याचा संगीतकार समीर सप्तीस्कर सांगतो. 'समीर आणि मी अनेक वर्षांपासून मित्र आहोत आणि त्यानं केलेली सर्व गाणी नेहमीच भावणारी ठरली आहेत. मी या दरम्यान मुंबईत होतो. म्हणून हे गाणं करायचं ठरवलं', असं शुभंकरनं याविषयी सांगितलं. दिवाळीच्या सणामधून उजळणारा प्रेमाचा बहर गाण्यामधून दाखवण्याचा प्रयत्न केला आहे. गाण्यांमध्ये ज्ञानदा रामतीर्थकर आणि शुभंकर तावडे यांनी प्रमुख भूमिका बजावली आहे. तर या गाण्याचं छायाचित्रण सिनेमॅटोग्राफर पराग सावंतनं केलं आहे. गीत सचिन पाठकनं लिहिलं असून, कला दिग्दर्शन देवाशिष भरवडेनं केलं आहे. आत्तापर्यंत या गाण्याला सोळा हजारांपेक्षा जास्त व्ह्यूज मिळाले आहेत. हे गाणं तरुणांच्या पसंतीस पडत आहे. समीरबरोबर काम करण्याचा अनुभव नेहमी वेगळा असतो. 'काळे धंदे' आणि त्याची इतरही गाणी नेहमी हिट होणारी ठरली आहेत. त्यामुळे हे गाणं करण्यासाठी मी एका पायांवर तयार होतो. नवीन काहीतरी होतं. म्हणून करताना पण मजा आली. आणि आत्ता तरुणांबरोबरच इतर लोकांच्याही प्रतिक्रिया येत असल्यानं छान वाटतंय. - शुभंकर तावडे (अभिनेता) देवाविषयी आपला नेहमी शुद्ध आणि सात्विक भाव असतो. अगदी त्याप्रमाणे पहिलं प्रेम असतं. हे गाण्यातून दाखवण्याचा प्रयत्न केला आहे. आरती हे माध्यम आपली श्रद्धा, करुणा दाखवण्याचं प्रमुख माध्यम आहे. म्हणून मग विविध आरत्यांमधील बोल घेऊन प्रेम दाखवलं आहे. अगदी एका दिवसात सर्व शूट आणि इतर गोष्टी पूर्ण झाल्या आहेत. लोकांचा मिळणारा प्रतिसाद पाहून आनंद होतोय. - समीर सप्तीस्कर (संगीतकार)
from Marathi Bollywood News, Marathi Cinema News https://ift.tt/2Hr6Zli
