मुंबई: अभिनेता याच्या आत्महत्येनंतर त्याच्या मागची कारणं शोधण्याचा प्रयत्न सुरू आहे. सुशांतच्या वडिलांनी त्याची गर्लफ्रेंड हिच्यावर गंभीर आरोप केले आहेत. यानंतर या प्रकणाला वेगळं वळण आलं असून सुशांतची एक्स गर्लफ्रेंड देखील या सुशांतच्या आत्महत्येचं खरं कारण सर्वांसमोर यावं यासाठी पुढं आली आहे. अनेक वृत्त वाहिन्यांना दिलेल्या मुलाखतीत तिनं सुशांतच्या आयुष्यासंदर्भात अनेक गोष्टी उघड केल्या आहेत. सुशांतच्या निधनानंतर अंकितानं केवळ सुशांतसाठीच पोस्ट शेअर केल्या आहेत. त्यामुळं तिच्या या पोस्ट चर्चेचा विषय ठरत आहेत. गेल्या काही दिवसांपासून अंकिता सुशांतबद्दल बोलत असतानच सुशांतच्या चाहत्यांनी मात्र तिचा बॉयफ्रेंड याला टार्गेट केलं आहे. सुशांतच्या चाहत्यांनी विकीवर टीकाही केली होती. त्याला ट्रोल करण्याचा प्रयत्नही केला गेला. त्यामुळं अंकितानं आता त्याला सॉरी म्हटलं आहे. अंकितानं विकीसाठी एक पोस्ट शेअर केली आहे. या पोस्टमध्ये तिनं विकीबद्दलच्या भावना व्यक्त केल्यात. काय लिहिलंय अंकितानं तिच्या पोस्टमध्ये? तुझ्यासाठी असलेल्या भावना व्यक्त करण्यासाठी माझ्याकडे शब्दचं नाहीत. जेव्हाही मी आपल्या दोघांना एकत्र पाहते तेव्हा एक मित्र, पार्टनर म्हणून माझ्या आयुष्यात तुला पाठवल्याबद्दल देवाचे आभार मानते. माझ्या कठिण काळात मला साथ देण्यासाठी खूप खूप आभार. प्रत्येक संकटात तू मला समजून घेतलं. माझ्यामुळं तुला कारण नसतानाही टीका सहन करावी लागली, त्यासाठी मी तूझी माफी मागते. आपल्यातला हा बॉन्ड सांगण्यासाठी शब्द कमी पडतील, असं अंकितानं तिच्या पोस्टमध्ये म्हटलं आहे. सुशांतसोबत ब्रेकअप झाल्यानंतर अंकिताच्या आयुष्यात विकी जैन आला. अंकितानं काही महिन्यांपूर्वीच विकीसोबतच्या नात्याचा खुलासा केला होता. दोघांचा साखरपुडा देखील झाला असल्याच्या चर्चा आहेत. सुशांतच्या निधनानंतर विकीवर देखील नेटकऱ्यांनी टीका केली होती. त्यामुळं त्यानं सोशल मीडियावरंच कमेंट सेक्शन बंद केलं होतं. तसंच गेल्या काही दिवसांपासून अंकिता आणि यांचा ब्रेकअप झाल्याच्या चर्चा सुरू होत्या. या चर्चा केवळ अफवा असल्याचं तिनं एका मुलाखतीतल म्हटलं आहे. मी विकीला डेट करतेय, आणि त्याच्यासोबत खूष आहे, असंही अंकितानं स्पष्ट केलं आहे.
from Marathi Bollywood News, Marathi Cinema News https://ift.tt/2TLon76
