मुंबई: बिग बॉसच्या घरातून बाहेर पडला आहे. बाहेर आल्यानंतर त्यानं त्यांच्या वडिलांना खडेबोल सुनावले आहेत. बिग बॉसच्या घरात असताना मराठी भाषेचा अवमान केल्या प्रकरणी वाद निर्माण झाला होता. यावादावर बोलताना जानचे वडिला यांनी त्यांच्यावर कशा प्रकारचे संस्कार झालेत, ते माहित नाहीत, असं वक्तव्य केलं होतं. या वक्तव्यावर जान यानं कुमार सानू यांना सुनावलं आहे. 'तुम्ही माझी जबाबदारी घेतली नाही, त्यामुळं माझे संस्कार आणि संगोपण याबद्दल बोलण्याचा तुम्हाला कीहीही अधिकार नाही',असं जान कुमार सानू यानं म्हटलं आहे. 'ईटाइम्‍स'ला नुकत्याच दिलेल्या मुलाखतीत जान यानं अनेक गोष्टी शेअर केल्या आहेत. आम्ही तीन भाऊ आहोत, तिघांचं संगोपण आमच्या आईनं म्हणजेच रिटा भट्टाचार्या हिनं केलं आहे. माझे वडिल कधीही आमच्या आयुष्याचा भाग नव्हतेच. मला माहित नाही की, त्यांनी मला कधीही कोणत्या गोष्टीसाठी पाठिंबा का दिला नाही, मला प्रमोट का केलं नाही, याचं उत्तर तुम्ही त्यांनाच विचारा',अशा शब्दांत जान सानू यानं त्याच्या भावना व्यक्त केल्या आहेत. अनेक सेलिब्रिटी आहेत, जे घटस्फोट घेतात, पुन्हा दुसरं लग्न करतात. पूर्व पत्नीसोबत संबध ठेवत नसले तरी, त्यांनी मुलांची जबाबदारी स्विकारली आहे. माझ्या वडिलांनी असं काहीही केलं नाही. माझे वडिल कुमार सानू यांना आमच्यासोबत संपर्क ठेवण्यासही नकार दिला होता. काही दिवसांपूर्वी त्यांना माझ्या संगोपनावर एका व्हिडिओमध्ये भाष्य केलं होतं. त्यानंतर त्यांनी आणखी एक व्हिडिओ शेअर केला, ज्यात त्यांनी मला पाठिंबा दिला होता. मला वाटतं त्यांना माझ्या बद्दस समिश्र भावना असाव्यात. मी दोन्हीही व्हिडिओ पाहिले नाहीत. पण त्यांनी माझी जबाबदारी घेतली नाही, त्यामुळं माझ्या संगोपणावर बोलण्याचा किंवा प्रश्न उपस्थित करण्याचा त्यांना कोणताही अधिकार नाही, असंही जान यानं म्हटलं आहे.
from Marathi Bollywood News, Marathi Cinema News https://ift.tt/36XwG5W
