मुंबई : असल्यामुळे सध्या सगळीकडे आनंदाचं आणि उत्साहाचं वातावरण आहे. प्रत्येक जण प्रत्यक्ष किंवा सोशल मीडियाच्या माध्यमातून एकमेकांना दिवाळीच्या शुभेच्छा देत आहे. सेलिब्रिटीदेखील ट्विटर, इन्स्टाग्रामच्या माध्यमातून चाहत्यांना दिवाळीच्या शुभेच्छा देत आहेत. लोकप्रिय ज्येष्ठ गायिका आशा भोसले यांनीदेखील एक व्हिडीओ शेअर करत चाहत्यांना खास शुभेच्छा दिल्या आहेत. आशा भोसले यांनी शुभेच्छांचा व्हिडीओ शेअर करण्यासोबतच सगळ्यांची दृष्टदेखील काढली आहे. 'ज्याप्रमाणे आई आपल्या मुलांचं औक्षण करते आणि त्यांची दृष्ट काढते त्याचप्रमाणे मी सगळ्यांची दृष्ट काढते', असं त्यांनी म्हटलं आहे. 'दिवाळीच्या तुम्हा सर्वांना खूप शुभेच्छा. दिवाळीनंतर सुरु होणाऱ्या नव्या वर्षात तुमच्या सगळ्यांच्या चिंता, विवंचना दूर होतील. तुम्ही सगळे सुखी व्हाल अशी मी देवाकडे प्रार्थना करते. आई जशी आपल्या मुलांना औक्षण करते, त्यांची दृष्ट काढते त्याचप्रमाणे मी तुमच्या सगळ्यांची दृष्ट काढते', असं आशा भोसले यांनी या व्हिडीओमध्ये म्हटलं आहे. आशा भोसले यांनी शेअर केलेला व्हिडीओ अतिशय हृदयस्पर्शी आहे. हा व्हिडीओ पाहून अनेकांना आपल्या आईच्या प्रेमाची आठवण आली असेल. आशाताईंनी दिवाळीच्या इतक्या सुंदर पद्धतीने शुभेच्छा दिल्यानंतर त्यांच्या चाहत्यांनीही त्यांच्यावर शुभेच्छांचा वर्षाव केला आहे. त्यांच्या या व्हिडीओला अवघ्या एका तासात सोळा हजारांहून अधिक व्ह्यूज आले आहेत.
from Marathi Bollywood News, Marathi Cinema News https://ift.tt/2H987Kk
