मुंबई: मॉडेल आणि अभिनेत्री हिच्या विरोधात एफआयआर दाखल करण्यात आला आहे. गोव्यातील एका ठिकाणी अश्लिल व्हिडिओ आणि फोटोशूट केल्या प्रकरणी पूनम विरोधात एफआयआर दाखल करण्यात आला आहे. फॉरवर्ड पार्टीच्या वुमेन विंगकडून पूनम विरोधात तक्रार देण्यात आली आहे. दक्षिण गोव्याचे एसपी पंकज कुमार सिंह यांनी यासंदर्भात माहिती दिली आहे. जल संपदा विभागातील सहाय्यक अभियंता यांनी देखील तक्रार केली आहे. आयपीसीच्या कलम २९४ अन्वये पूनमवर गुन्हा दाखल करण्यात आला असून पोलिस अधिक तपास करत आहेत. पुढील कारवाईदरम्यान गोवा पोलिस पूनमला हजर राहण्याचे आदेश देऊ शकतात, असंही त्यांनी स्पष्ट केलं. तसंच पूनमसोबत तिचा हा व्हिडिओ शूट करणाऱ्या अज्ञात व्यक्तीविरोधात तक्रार दाखल करण्यात आली आहे. दरम्यान, पूनम पांडेच्या मॉडेल न्यूड फोटोशूटला परवानगी दिल्याबद्दल पोलिस निरीक्षकास निलंबित केल्याची माहिती आहे. गोव्यातील चापोली धरणावर पूनमचा हा अश्लिल व्हिडिओ शूट करण्यात आला असून सोशल मीडियावर देखील प्रचंड व्हायरल झाला आहे. सप्टेंबर महिन्यात लग्न झाल्यानंतर पूनम पती सॅम बॉम्बेसोबत गोव्यात हनिमूनला आली होती. त्या दरम्यान, पतीनं मारहाण केल्याचा आरोप तिनं त्याच्यावर केला होता. पोलिसांनी याला अटकही केली होती. त्यानंतर भांडण संपल्याचं दोघांनीही सांगितलं होतं.
from Marathi Bollywood News, Marathi Cinema News https://ift.tt/2TUEuz7
